ლევან ქისტაური: სასიამოვნოა რომ სსფ და სხვა საერთაშორისო ფინანსური ინსტიტუტები საქართველოს წარმატებას აღიარებენ
სარეკლამო ადგილი - 10
650 x 60
1 29 ოქტომბერი 2019, 16:14
საბიუჯეტო და ფისკალურ სფეროში საქართველომ ბოლო წლების განმავლობაში მართლაც შთამბეჭდავი რეფორმები განახორციელა და შედეგებიც სახეზეა - ასე აფასებს ეკონომიკის დოქტორი ლევან ქისტაური სსფ-ს ანგარიშს, რომლის მიხედვით საერთაშორისო ფინანსური ინსტიტუტი საქართველოში 2003 წლის შემდგომ საგადასახადო და ფისკალური კუთხით განხორციელებულ რეფორმებს წარმატების მაგალითს უწოდებს. მისი თქმით, ყველას გვახსოვს, რომ მუდმივად იყო საუბარი პრობლემებზე ბიუჯეტის შემოსავლების კუთხის, საბიუჯეტო ასიგნებების კუთხით, ბიუჯეტის სეკვესტრი კი ,,ტრადიციად“ იყო ქცეული. იგეგმებოდა სახელმწიფო ბიუჯეტი და წინასწარვე იყო ცნობილი რომ საბიუჯეტო წელი სეკვესტრით დამთავრდებოდა.

„ბოლო 10-15 წლის განმავლობაში საქართველომ მნიშვნელოვანი რეფორმები განახორციელა ფისკალური პოლიტიკის ეფექტიანობის, ფისკალური ინსტიტუტების გაძლიერების, საბიუჯეტო დისციპლისნის განმტკიცების, საგადასახადო-საბაჟო სფეროს მოწესრიგების და ბიზნეს-კლიმატის გაუმჯობესების მიმართულებით.
შედეგი სახეზეა და სასიამოვნოა რომ საერთაშორისო სავალუტო ფონდი, სხვა საერთაშორისო ფინანსური ინსტიტუტები ამას აღიარებენ. „ფისკალური რეფორმების გაკვეთილები საქართველოში“ სხვა განვითარებადი და გარდამავალი ქვეყნებისათვის შეიძლება ითქვას ქრესტომათიულ სახელმძღვანელოს სახეს ატარებს“-განაცხადა ლევან ქისტაურმა.

მისი თქმით, აუცილებელია რეფორმები უნდა გაგრძელდეს, ეს მუდმივი და უწყვეტი პროცესია. „დღეს კი ვართ ლიდერები ამ მიმართულებით, მაგრამ გაჩერება უკან სვლის ტოლფასი იქნება. კიდევ არის ბევრი სამუშაო საგადასახადო-საბაჟო კანონმდებლობის და პროცედურების გამარტივების კუთხით, პროგრამული ბიუჯეტირების კუთხით, სახელმწიფო ვალის მართვის კუთხით, მუნიციპალური ბიუჯეტების დაგეგმის და აღსრულების კუთხით, ანალიზის და პროგნოზის გაუმჯობესების მიმართულებით და ა.შ_“-აღნიშნა ქისტაურმა .

შეგახსენებთ, რომ სსფ-ს ანგარიშში, რომელიც ცენტრალური აზიის, ჩრდილოეთ აფრიკისა და კავკასიის რეგიონს ეხება, “ქეის სთადის” სახით საქართველოს მიერ განხორციელებული რეფორმები წარმატებულად არის შეფასებული.

სარეკლამო ადგილი - 11
650 x 60
პრემიერი: რეგიონული თანამშრომლობის გაღრმავება და საქართველოს რეგიონულ ფინანსურ და ტექნოლოგიურ ჰაბად ჩამოყალიბება საქართველოს მთავრობის პრიორიტეტია; თბილისის ფინანსური სამიტი ხელს შეუწყობს რეგიონული თანამშრომლობის კიდევ უფრო გაღრმავებას, ქვეყნის შემდგომ ეკონომიკურ განვითარებას, საინვესტიციო შესაძლებლობების გაფართოებას და შუა დერეფნის ქვეყნებს შორის სავაჭრო ურთიერთობების გაძლიერებას
სავალუტო ფონდი: გეოპოლიტიკური გაურკვევლობის ზრდისა და ენერგომატარებლებზე მაღალი ფასების მიუხედავად, საქართველოს ეკონომიკური მაჩვენებლები კვლავ მყარია, ხოლო ფისკალური და საგარეო ბუფერები კიდევ უფრო გაძლიერდა
მარიამ ქვრივიშვილი: ჩვენი მიზანია, საქართველო იყოს არა მხოლოდ სატრანზიტო ქვეყანა, არამედ რეგიონული ეკონომიკური და ფინანსური კავშირების მნიშვნელოვანი ცენტრი
მსოფლიო ეკონომიკა სამი წნეხის ქვეშ - ენერგეტიკული შოკი, მაღალი პროცენტები და რეკორდული ვალი
ირაკლი კირცხალია გერმანიის ელჩს: ვურჩევდი, ხმამაღალი განცხადებებისას გაითვალისწინოს მის ქვეყანაში მიმდინარე პოლიტიკური მოვლენები. არ დაავიწყდეთ, რას ნიშნავს ევროკავშირი და რა ფასეულობებზე იდგა. ევროკავშირი არ მდგარა იმ ფასეულობებზე, რასაც ჰქვია საუკეთესო ფაშისტური თუ კომუნისტური მმართველობა
არქივი