ანალიტიკოსი გია აბაშიძე, სოციალურ ქსელში ეხმიანება ევროპარლამენტარ მიხაელ გალერის განცხადებას, რომელშიც გალერი ამბობს, რომ „ამ მოსკოველმა არსებებმა, ივანიშვილმა და კობახიძემ, უნდა დატოვონ ქვეყანა“.

როგორც აბაშიძე აღნიშნავს, გავრცელდა ინფორმაცია, რომ 2022-2023 წლებში, მიხაელ გალერმა დაახლოებით 470,000 ევრო მიიღო საამიროებიდან კატარის საწინააღმდეგო კამპანიის წარმოებისთვის, შესაბამისად, “ამ მჩხავანა ევროკანონმდებლების” ბიოგრაფიებში მუდმივად ჩანს მათი მექრთამეობა ანუ ე.წ. ლობისტობა.

„ქართველთმოძულე გერმანელი ევროპარლამენტარის მიხაელ გალერის (EPP/CDU) უხამსი კომენტარები ბიძინა ივანიშვილსა და ირაკლი კობახიძეზე, ევროპელი პოლიტიკანის თვალსაჩინოებაა - სულით ბინძური და ფულისტი. რატომ არის, რომ ამ მჩხავანა ევროკანონმდებლების ბიოგრაფიებში მუდმივად ჩანს მათი მექრთამეობა ანუ ე.წ. ლობისტობა? სხვადასხვა მედიასაშუალებებში იყო ინფორმაცია, რომ 2022-2023 წლებში, მიხაელ გალერმა დაახლოებით 470,000 ევრო მიიღო საამიროებიდან კატარის საწინააღმდეგო კამპანიის წარმოებისთვის. არ მგონია, რომ ნაცსექტამ ამ სამარცხვინო გალერს ამდენი მიუგდო, გაცილებით იაფი დაჯდებოდა ეს იაფფასიანი“, - წერს გია აბაშიძე.