მსხვილი ბანკები წლების განმავლობაში არ ატყობინებდნენ შესაბამის ორგანოებს ეპშტეინის საეჭვო ტრანზაქციების შესახებ
სარეკლამო ადგილი - 10
650 x 60
1 04 აგვისტო 2026, 22:17
სამი მსხვილი ბანკი - Deutsche Bank, Bank of America და JPMorgan Chase - აჭიანურებდა გარდაცვლილი ამერიკელი ფინანსისტის, სექსუალური დანაშაულებისთვის მსჯავრდებული ჯეფრი ეპშტეინის საეჭვო ფინანსურ ოპერაციებზე ანგარიშების წარდგენას. ამის შესახებ Bloomberg-ი დემოკრატი სენატორის, რონ უაიდენის ანგარიშზე დაყრდნობით წერს.

დოკუმენტის თანახმად, Deutsche Bank-მა დადგენილ ვადაში არ გაავრცელა ინფორმაცია ეპშტეინთან დაკავშირებული, 250 მილიონ დოლარზე მეტი ღირებულების ტრანზაქციების შესახებ. მათ შორის იყო თანხის გადარიცხვები რუსეთსა და აღმოსავლეთ ევროპის სხვა ქვეყნებში მცხოვრები ქალებისთვის.

Bank of America-მ მხოლოდ ხუთიდან შვიდი წლის დაგვიანებით აცნობა შესაბამის ორგანოებს ეპშტეინსა და მილიარდერ ლეონ ბლეკთან დაკავშირებული, 170 მილიონი დოლარის ღირებულების ოპერაციების შესახებ. ბანკის განცხადებით, ამ გარიგებებს „აშკარა ეკონომიკური, საქმიანი ან კანონიერი მიზანი არ ჰქონდა“.

ლეონ ბლეკი, რომელიც ამერიკული საინვესტიციო კომპანია Apollo Global Management-ის ყოფილი გენერალური დირექტორია, მანამდე აცხადებდა, რომ ეპშტეინს მემკვიდრეობის დაგეგმვისა და საგადასახადო საკითხებზე კონსულტაციებისთვის უხდიდა. ჟურნალისტების ცნობით, ბლეკი ასევე ამბობდა, რომ ეპშტეინის დანაშაულებრივი საქმიანობის შესახებ არაფერი იცოდა.

აშშ-ის კანონმდებლობის თანახმად, ბანკები ვალდებული არიან, საეჭვო ტრანზაქციის აღმოჩენიდან 60 დღის განმავლობაში შეატყობინონ ფინანსთა სამინისტროს. უაიდენის ანგარიშში დასახელებულმა სამივე ბანკმა ეს მოთხოვნა დაარღვია - ზოგიერთ შემთხვევაში ანგარიშები რამდენიმე წლის დაგვიანებით წარადგინეს.

Deutsche Bank-მა Bloomberg-ისთვის კომენტარის გაკეთებაზე უარი განაცხადა. JPMorgan-მა კი აღნიშნა, რომ ეპშტეინთან დაკავშირებული საეჭვო ტრანზაქციების შესახებ მარეგულირებელი ორგანოებისთვის ანგარიშების გაგზავნა ჯერ კიდევ 2022 წელს დაიწყო და მათი მოცულობა „მისი დანაშაულების სრული მასშტაბის გამოვლენის შემდეგ“ გაზარდა.
სარეკლამო ადგილი - 11
650 x 60
პრემიერი: რეგიონული თანამშრომლობის გაღრმავება და საქართველოს რეგიონულ ფინანსურ და ტექნოლოგიურ ჰაბად ჩამოყალიბება საქართველოს მთავრობის პრიორიტეტია; თბილისის ფინანსური სამიტი ხელს შეუწყობს რეგიონული თანამშრომლობის კიდევ უფრო გაღრმავებას, ქვეყნის შემდგომ ეკონომიკურ განვითარებას, საინვესტიციო შესაძლებლობების გაფართოებას და შუა დერეფნის ქვეყნებს შორის სავაჭრო ურთიერთობების გაძლიერებას
სავალუტო ფონდი: გეოპოლიტიკური გაურკვევლობის ზრდისა და ენერგომატარებლებზე მაღალი ფასების მიუხედავად, საქართველოს ეკონომიკური მაჩვენებლები კვლავ მყარია, ხოლო ფისკალური და საგარეო ბუფერები კიდევ უფრო გაძლიერდა
მარიამ ქვრივიშვილი: ჩვენი მიზანია, საქართველო იყოს არა მხოლოდ სატრანზიტო ქვეყანა, არამედ რეგიონული ეკონომიკური და ფინანსური კავშირების მნიშვნელოვანი ცენტრი
მსოფლიო ეკონომიკა სამი წნეხის ქვეშ - ენერგეტიკული შოკი, მაღალი პროცენტები და რეკორდული ვალი
ირაკლი კირცხალია გერმანიის ელჩს: ვურჩევდი, ხმამაღალი განცხადებებისას გაითვალისწინოს მის ქვეყანაში მიმდინარე პოლიტიკური მოვლენები. არ დაავიწყდეთ, რას ნიშნავს ევროკავშირი და რა ფასეულობებზე იდგა. ევროკავშირი არ მდგარა იმ ფასეულობებზე, რასაც ჰქვია საუკეთესო ფაშისტური თუ კომუნისტური მმართველობა
არქივი