1
31 ოქტომბერი 2020, 18:16
აშშ-ის კონგრესში საქართველოს მეგობართა ჯგუფის თანათავმჯდომარე, ადამ კინზინგერი საქართველოში მიმდინარე საპარლამენტო არჩევნებს ეხმაურება.
„ჩვენი მოკავშირის, საქართველოს არჩევნებს ვაკვირდები. მოვუწოდებ ყველას ხმის მიცემისა და სიმშვიდისკენ. თავისუფალ და სამართლიან არჩევნებში ადგილი არ აქვს თაღლითობას, დაშინებას ან ამომრჩევლის მოსყიდვას. ჩვენი ქვეყნები ძლიერნი და გაერთიანებულნი არიან. ამერიკას საქართველოს იმედი აქვს“, - დაწერა კონგრესმენმა, ადამ კინზინგერმა Twitter-ზე.
საქართველოში საპარლამენტო არჩევნები მიმდინარეობს. ამომრჩეველმა არჩევანი დღეს 50 საარჩევნო სუბიექტს - ორ ბლოკსა და 48 პარტიას შორის უნდა გააკეთოს. საპარლამენტო არჩევნებისთვის 38 ქვეყანაში 52 საარჩევნო უბანი გაიხსნა. 2020 წლის 31 ოქტომბრის არჩევნებისთვის კოვიდდაწესებულებებში 127 საარჩევნო უბანი მუშაობს. პენიტენციურ დაწესებულებებში კი 10 საარჩევნო უბანი გაიხსნა. არჩევნებს 132 ადგილობრივი და 23 საერთაშორისო ორგანიზაციის წარმომადგენელი აკვირდება. ამასთან, ამერიკული ორგანიზაცია Public Opinion Strategies „იმედის“ დაკვეთით ეგზიტპოლს ატარებს.
| სარეკლამო ადგილი - 11 650 x 60 |
