საქართველოს ეკონომიკა ამტკიცებს მდგრადობას სერიოზული ეკონომიკური და ფინანსური შოკების მიმართ-ნათია თურნავა
სარეკლამო ადგილი - 10
650 x 60
1 23 ოქტომბერი 2019, 11:45

ეკონომიკისა და მდგრადი განვითარების მინისტრმა ნათია თურნავამ „აბრეშუმის გზის ფორუმზე“ სიტყვით გამოსვლისას განაცხადა რომ საქართველოს ეკონომიკა ამტკიცებს თავის მდგრადობას სერიოზული ეკონომიკური და ფინანსური შოკების მიმართ. მინისტრის თქმით, საქართველო კარგი ადგილია ინვესტიციების განხორციელებისთის.

„საერთაშორისო სავალუტო ფონდის უკანასკნელი მაჩენებლების თვალსაზრისით, ჩვენ 5%-ით ვიზრდებით, საშუალოდ, შემდეგი 5 წლის პერსპექტივით, რაც ძალზე შთამბეჭდავი და სტაბილური, კარგი ინდიკატორია, კარგი გზავნილია ინვესტორთა გლობალური თემისთვის, რომ საქართველო კარგი ადგილია, სადაც ინვესტიციების გაკეთება შეიძლება. მაგრამ კიდევ უფრო მნიშვნელოვანი გახლავთ ის, რომ ჩვენი ეკონომიკური ზრდა არ გახლავთ მხოლოდ ფოკუსირებული, ერთადერთი აქცენტი ჩვენი პოლიტიკის. როგორც პრემიერმა თავის შესავალ სიტყვაში ბრძანა, არა მხოლოდ ზრდის ტემპი, არამედ ზრდის ხარისხი მნიშვნელოვანია. ის უნდა იყოს ინკლუზიური, უნდა შექმნას დამატებითი დასაქმების საშუალებები და ძალზე მნიშვნელოვანია ჩვენთვის, რომ ჩვენი ეკონომიკური ზრდა მხარდაჭერილი იყოს სტრუქტურული რეფორმებით“, - განაცხადა ნათია თურნავამ.

მინისტრის განმარტებით, იმისთვის, რომ საქართველო იყოს უფრო მიმზიდველი პირდაპირი უცხოური ინვესტიციებისთვის, მნიშვნელოვანია სტაბილურობისა და პროგნოზირებადობის მიღწევა.

„საქართველო არ გახლავთ მინერალური რესურსებით მდიდარი ქვეყანა. ჩვენ მცირე ბაზარს წარმოვადგენთ და რა თქმა უნდა, იმისთვის, რომ ვიყოთ უფრო მიმზიდველები, ჩვენი ბიზნეს მოდელი, ჩვენი ბიზნეს კლიმატი, ხედვა და პოლიტიკა სრულიად ეფუძნება გახსნილობასა და უპირატესობის მინიჭებას პირდაპირი უცხოური ინვესტიციებისთვის. ასევე მნიშვნელოვანია სტაბილურობის, პროგნოზირებადობისა და მაკროეკონომიკური სტაბილურობის მიღწევა“, - განმარტა მინისტრმა.

სარეკლამო ადგილი - 11
650 x 60
პრემიერი: რეგიონული თანამშრომლობის გაღრმავება და საქართველოს რეგიონულ ფინანსურ და ტექნოლოგიურ ჰაბად ჩამოყალიბება საქართველოს მთავრობის პრიორიტეტია; თბილისის ფინანსური სამიტი ხელს შეუწყობს რეგიონული თანამშრომლობის კიდევ უფრო გაღრმავებას, ქვეყნის შემდგომ ეკონომიკურ განვითარებას, საინვესტიციო შესაძლებლობების გაფართოებას და შუა დერეფნის ქვეყნებს შორის სავაჭრო ურთიერთობების გაძლიერებას
სავალუტო ფონდი: გეოპოლიტიკური გაურკვევლობის ზრდისა და ენერგომატარებლებზე მაღალი ფასების მიუხედავად, საქართველოს ეკონომიკური მაჩვენებლები კვლავ მყარია, ხოლო ფისკალური და საგარეო ბუფერები კიდევ უფრო გაძლიერდა
მარიამ ქვრივიშვილი: ჩვენი მიზანია, საქართველო იყოს არა მხოლოდ სატრანზიტო ქვეყანა, არამედ რეგიონული ეკონომიკური და ფინანსური კავშირების მნიშვნელოვანი ცენტრი
მსოფლიო ეკონომიკა სამი წნეხის ქვეშ - ენერგეტიკული შოკი, მაღალი პროცენტები და რეკორდული ვალი
ირაკლი კირცხალია გერმანიის ელჩს: ვურჩევდი, ხმამაღალი განცხადებებისას გაითვალისწინოს მის ქვეყანაში მიმდინარე პოლიტიკური მოვლენები. არ დაავიწყდეთ, რას ნიშნავს ევროკავშირი და რა ფასეულობებზე იდგა. ევროკავშირი არ მდგარა იმ ფასეულობებზე, რასაც ჰქვია საუკეთესო ფაშისტური თუ კომუნისტური მმართველობა
არქივი