მისი თქმით, ეროვნული ვალუტის კურსის დინამიკა დაკავშირებულია მოლოდინებთან.

„ლარის კურსის დინამიკა დიდად არის დამოკიდებული და დაკავშირებული მოლოდინებზე. იცით, რომ მთლიანობაში გლობალურად არის ეს გამოწვევა – კორონავირუსის პრობლემა. ამან გამოიწვია გლობალური ეკონომიკური ძვრები, მაგრამ მნიშვნელოვანია, რომ ჩვენი ეკონომიკა ბევრ სხვა ეკონომიკისგან განსხვავებით ძალიან მდგრადი სახით ეგებება ამ პრობლემას.

აქედან გამომდინარე, თუკი ჩვენ ყველა შევინარჩუნებთ სიმშვიდეს, არ ავყვებით რაღაცა ნეგატიურ ასე ვთქვათ განწყობებს, ხედავთ, რომ ჩვენ მთავრობა ყველაფერს ვაკეთებთ, რათა პრობლემა იყოს მართული და არ გამძაფრდეს. ვფიქრობთ, რომ საკმაოდ ჯანსაღი და მდგრადი ეკონომიკური ფონის წყალობით და საფუძველზე, მათ შორის ლარის კურსის დინამიკაც დასტაბილურდება. ზოგადად, ჩვენ ყველაფერს ვაკეთებთ, რომ ის შოკები, რასაც განიცდის ცალკეული ინდუსტრია, იყოს მაქსიმალურად შერბილებული და სწორედ ამას ემსახურება თუნდაც იმ ღონისძიებათა პაკეტი, რაც გუშინ შევთავაზეთ არამარტო ტურიზმს, არამედ მასთან დაკავშირებულ სხვა ბიზნესებსაც“, – განაცხადა თურნავამ.

მისი თქმით, საჭიროების შემთხვევაში დამატებითი ზომებიც იქნება მიღებული ეკონომიკაზე ნეგატიური ზეგავლენის შესარბილებლად.

„ყველაფერი დამოკიდებულია იმაზე, თუ რამდენად სწრაფად გადალახავს მსოფლიო ამ გამოწვევას და ვფიქრობ, რომ რაღაც ზედმეტი ნეგატიური განწყობებისა და მოლოდინების საფუძველი ჩვენ დღეს არ გვაქვს.

ძალიან დიდი იმედი გვაქვს, ეს პრობლემა რამდენიმე თვეში გადაილახება. რამდენ ხანსაც არ უნდა გაგრძელდეს, ჩვენ ადეკვატურად ვრეაგირებთ ყოველდღიურ რეჟიმში“, – განაცხადა თურნავამ.