1
12 ნოემბერი 2025, 18:21
„ურმით მოდიოდა სამართალი, თუ შემდეგ მაღალი გამავლობის მანქანაზე გადაჯდა, ფაქტია, პასუხისმგებლობას, რომელმაც ობიექტური თუ სუბიექტური მიზეზების გამო შესაძლოა დააგვიანა, ვერავინ გაექცევა,“ - განაცხადა ჟურნალისტებთან საუბარში პარტია „ხალხის ძალის“ წევრმა დავით ქართველიშვილმა.
მისი თქმით, გიორგი გახარიას გადაწყვეტილება გაქცეულიყო ემიგრაციაში აღიარებითი ჩვენების ტოლფასი იყო.
„შეგახსენებთ, რომ პარლამენტის საგამოძიებო კომისიის სხდომაზე გაჟღერდა ისეთი დეტალები, რომლის შესახებაც ბევრმა არაფერი იცოდა. არ იცოდნენ, რომ აგვისტოს ომიდან დიდი ხნის შემდეგ, ერთი ადამიანის ახირების გამო, დამატებით ერთი მილიონი კვადრატული მეტრი ქართული მიწა მოექცა სეპარატისტების მხარეს. გახარიას გადაწყვეტილება, გაქცეულიყო ემიგრაციაში, იყო აღიარებითი ჩვენების ტოლფასი.
იმ ე.წ გავრილოვის ღამეს გახარიამ უხერხულ მდგომარეობაში ჩააგდო იმდროინდელი პრემიერ-მინისტრი მამუკა ბახტაძე, რომელმაც მასთან საუბრის შემდეგ ამცნო საზოგადოებას, რომ პოლიციის მხრიდან ძალის გადამეტებას მომიტინგეების წინააღმდეგ ადგილი არ ექნებოდა. ამ განცხადების გაკეთებიდან ნახევარ საათში კი მომიტინგეთა წინააღმდეგ პოლიციის მხრიდან დაიწყო ძალის გადამეტება, რასაც მოჰყვა ახალგაზრდა მომიტინგეების და არა მარტო მათი დასახიჩრება.
ურმით მოდიოდა სამართალი, თუ შემდეგ მაღალი გამავლობის მანქანაზე გადაჯდა, ფაქტია, პასუხისმგებლობას, რომელმაც ობიექტური თუ სუბიექტური მიზეზების გამო შესაძლოა დააგვიანა, ვერავინ გაექცევა.
დღეს გახარია იმალება გერმანიაში, მე კი მახსენდება ისტორიული პარალელები - 1917 წლის აპრილში, გერმანიის სპონსორობით ლენინი არალეგალურად ჩავიდა რუსეთში და მოახდინა რევოლუცია; მეორე პარალელი - უკრაინის ხელისუფლებამ არალეგალურად გამოგვიგზავნა სააკაშვილი, რომელსაც რევოლუცია უნდა მოეხდინა, მაგრამ ლენინისგან განსხვავებით დავალება ვერ შეასრულა. არ მგონია, რომ ისტორიული პარალელები გასამდეს და გახარია კონტრაბანდული გზით გამოგვიგზავნონ,“ - განაცხადა დავით ქართველიშვილმა.
| სარეკლამო ადგილი - 11 650 x 60 |
