315
19 ივლისი 2025, 12:04
„ხალხის ძალის“ წევრი დავით ქართველიშვილი სოციალურ ქსელში პოლიტიკური მიმოლხიველის გერტ-ევენ უნგარის სტატიაზე საუბრობს და ნორვეგიულ გამოცემა Steigan-ში გამოქვეყნებულ მასალას ეხმიანება, რომელშიც თვალნათლივ ჩანს, თუ როგორ ცდილობს ევროკავშირი მოლდოვას უკრაინიზაციას.
„ევროკავშირი სექტემბრის საპარლამენტო არჩევნების წინ მოლდოვაზე უპრეცედენტო ზეწოლას ახდენს და ცდილობს მეორე უკრაინად აქციოს, - იტყობინება პოლიტიკური მიმოლხიველი გერტ-ევენ უნგარი ნორვეგიულ გამოცემა Steigan-ში გამოქვეყნებულ სტატიაში. ავტორი წერს, რომ ეს არის აქტიური ჩარევა, რომელსაც ევროკავშირი ღიად ახორციელებს და ზუსტად იმას აკეთებს, რაშიც ადრე რუსეთს ადანაშაულებდა. სტატიაში ხაზგასმულია, რომ ბრიუსელი დარწმუნებულია თავის უფლებაში, არა მხოლოდ ეკონომიკურად მიაბას მოლდოვა საკუთარ თავს, არამედ ინტეგრირება მოახდინოს ევროკავშირის უსაფრთხოებისა და თავდაცვის სფეროებში, რუსეთთან ურთიერთობების შესაძლო გამწვავების მიუხედავად.
უნგარის თქმით, ევროკავშირი საკუთარ ქმედებებში აშკარა წინააღმდეგობას ვერ ამჩნევს. სტატიის ავტორი მიიჩნევს, რომ კიშინიოვის მაგალითი ნათლად აჩვენებს თავად ევროკავშირის კურსს, რომელიც სულ უფრო მეტად უშვებს ჩარევას, ასევე ზეწოლისა და რეპრესიების პოლიტიკას მის გარე კონტურზე მყოფ ქვეყნებში.
გარდა ამისა, დამკვირვებლის აზრით, მოლდოვას პრეზიდენტი მაია სანდუ სულ უფრო მეტად „შორდება დემოკრატიულ პრინციპებს“, რასაც ბრიუსელი არა მხოლოდ აიგნორებს, არამედ მხარს უჭერს კიდეც,” - წერს დავით ქართველიშვილი
| სარეკლამო ადგილი - 11 650 x 60 |
