357
19 თებერვალი 2025, 15:04
ბოლო პერიოდში განსაკუთრებით თვალშისაცემი გახდა ოპოზიციური "ბაბლის" მორალური დეგრადაციის სისწრაფე, - წერს ანალიტიკოსი ზაალ ანჯაფარიძე სოციალურ ქსელში.
მისი თქმით, რადიკალები ხან რუსთაველის გამზირზე აწყობენ მორალისგან დაცლილ, გაუგებარ რიტუალებს, ხან კი, საგარეო საქმეთა მინისტრ მაკა ბოჭორიშვილის სამოსის ფასების დადგენას იწყებენ, რადგან სხვას ვერაფერს მოუნახავენ.
"ბოლო პერიოდში განსაკუთრებით თვალშისაცემი გახდა ოპოზიციური "ბაბლის" მორალური დეგრადაციის სისწრაფე. ხან რუსთაველზე მოაწყობენ ნორმისგან და მორალისგან დაცლილ, და საღი აზრისთვის გაუგებარ რიტუალებს, ხან საგარეო საქმეთა მინისტრს სხვას რომ ვერაფერს მოუნახავენ, სამოსის ფასების დადგენას დაუწყებენ, რაც პლებეიზმის და შურის დემონსტრირებაა და მეტი არაფერი.
კიდევ ბევრი მაგალითის მოყვანა შეიძლება და კითხვა მიჩნდება - ამ ხალხს საზოგადოებაში უკან დაბრუნება არ სურთ?! თუ ასე აპირებენ საკუთარ კუნძულზე დარჩენას და ბოლომდე გაველურებას?" - წერს ზაალ ანჯაფარიძე
| სარეკლამო ადგილი - 11 650 x 60 |
