ისევ სრულიად რეალობას აცდენილი „მსჯელობები" გვესმის ბალტიელებისგან. ეს გახლავთ სხვა არაფერი თუ არა ცეცხლზე ნავთის დასხმის მორიგი მცდელობა. რამდენჯერაც დაასხეს აქ ცეცხლზე ნავთი, მათ შორის პერსონალური ვიზიტებით და მიტინგებზე ერთი მუჭა რადიკალების (ქართველ ხალხად რომ მიაჩნიათ) ღია მხარდაჭერით, იმდენჯერ ჩაუქრათ, - ასე ეხმიანება, ანალიტიკოსი ზაალ ანჯაფარიძე ლიეტუვის საგარეო საქმეთა მინისტრის განცხადებას იმის შესახებ, რომ „საქართველოში დემოკრატიულ ინსტიტუტებს სანდოობა რომ დაუბრუნდეთ, საჭიროა თავისუფალი და სამართლიანი არჩევნების ჩატარება“.

„ამას მაინც უნდა აეხილა მათთვის თვალი და გაეხსნა გონი, და ქართველი ხალხის ნება თუნდაც ეუთო/ოდირის დასკვნაში ამოეკითხათ. თუმცა, არა, აწვებიან "პირველ ჩვენებას." საქართველოს ხელისუფლებაც მიაწვება არჩევნების შედეგებს, რომლის გაყალბებაც ჯერ ვერავინ დაამტკიცა“, - წერს ანჯაფარიძე.