1
12 ივლისი 2023, 14:29
როგორც დიმიტრი ხუნდაძე აღნიშნავს, სამიტზე ბევრი ითქვა, მაგრამ იმდენი არ გაკეთდა, რომ საქართველომ ან უკრაინამ ნატოს წევრობა რეალურად აღიქვას.
„ნატოში ინტეგრაციის „ღია კარის პოლიტიკა“ ღიად რჩება.
სამიტზე ბევრი ითქვა, მაგრამ იმდენი არ გაკეთდა, რომ საქართველომ ან უკრაინამ ნატოს წევრობა რეალურად აღიქვას.
ამაზე უკმაყოფილებას თავად ომში მყოფი უკრაინის ხელისუფლებაც გამოთქვამს, რადგან მათთვისაც გასაკვირია შეთავაზებული პირობა, რომ „უკრაინას ნატოში შეიყვანენ, თუკი ის რუსეთთან ომში გაიმარჯვებს”.
როგორც ჩანს, ეს პირობა ჩვენზეც ვრცელდება და საჭირო იქნება ჩვენივე ძალებით ტერიტორიული მთლიანობის აღდგენა რუსეთთან შეიარაღებული დაპირისპირების გზით, რის შემდეგაც შესაძლოა განიხილონ ჩვენი წევრობის საკითხი.
ეს არის სამწუხარო რეალობა, თუმცა, კიდევ უფრო სამწუხაროა რადიკალური ოპოზიციური ფლანგისეული აღქმები, თითქოს ვილნიუსის სამიტზე უკრაინას დაუკმაყოფილეს მოთხოვნა, რომელიც მას ჰქონდა და მხოლოდ საქართველო არ მიიღეს ნატოში.
ეს პროცესები კიდევ უფრო ნათელს და უალტერნატივოს ხდის საკუთარ უსაფრთხოებაზე ზრუნვას და რეალური პოლიტიკის წარმოების აუცილებლობას. სხვანაირად, შესაძლოა „ომში მონაწილეობაც არავინ დააფასოს, ან ჯილდო სიკვდილის შემდეგ მივიღოთ“.
ამ შემთხვევაში საზეიმო მხოლოდ „პრაიდელებს“ დარჩებათ, რადგან პროტესტის გამომხატველიც აღარავინ იქნება. შესაძლოა საქართველოს არაკეთილმოსურნეთა მიზანიც სწორედ ეს იყოს.“, - წერს დიმიტრი ხუნდაძე.
| სარეკლამო ადგილი - 11 650 x 60 |
