პარტია „ხალხის ძალის“ წევრი დავით ქართველიშვილი სოციალურ ქსელში ირონიულ პოსტს აქვეყნებს. სოციალურ ქსელში გამოქვეყნებულ პოსტში ექსპერტი, ერთგვარი ამოცანის პირობის სახით, ამერიკისა და ევროკავშირის მიერ უკრაინისთვის გაწეულ ფინანსურ დახმარებაზე წერს და სვამს კითხვას - რამდენი „შეიჭამა“ გამოყოფილი თანხიდან.

„შაბათობით სოფელში ვმეცადინეობ გოგოშკებთან. "საშინელ" (საშინაო) დავალებებს ვაკეთებთ. ძალიან ვხალისობთ. განსაკუთრებით მათემატიკაში. ჯერ პატარები არიან, თორემ აი, ასეთ გამოცანას შევიყვანდი სახელმძღვანელოში:
„უკრაინამ ომის დაწყების დღიდან ამერიკიდან მიიღო 175 მილიარდი დოლარის ოდენობის დახმარება. ხოლო ევროკავშირიდან - 118 მილიარდი ევრო.

გარდა ამისა, 13 პაკეტად განაწილებული - რუსეთის წინააღმდეგ შემოღებული იქნა 14 ათასი სანქცია.
ამავდროულად, მხოლოდ USAID-ის ხაზით, საქართველოს არჩევნებში დახარჯული იქნა 41,7 მილიონი დოლარი.
შეკითხვა: 1) რატომ ვერ დაამარცხეს რუსეთი და საქართველო და 2) რამდენი შეიჭამა ამ გამოყოფილი თანხებიდან?" - წერს დავით ქართველიშვილი სოციალურ ქსელში.