ისინი ეხვეწებიან მათ პატრონებს, იქნებ, საქართველოში რაღაც დააზიანონ, მათ შორის ისეთი, რომ ეტკინოს საზოგადოებას, - განაცხადა ვიზალიბერალიზაციის საკითხზე საუბრისას პარტია „ხალხის ძალის“ აღმასრულებელმა მდივანმა, გურამ მაჭარაშვილმა.

მისივე თქმით, მათ აღარ სჭირდებათ ხალხისთვის იმის ახსნა, რომ აღნიშნული რუსთაველზე პროტესტის გასაძლიერებლად სპეციალურად კეთდება.

„ისინი ეხვეწებიან მათ პატრონებს, რომ იქნებ, საქართველოში რაღაც დააზიანონ, მათ შორის ისეთი, რომ ეტკინოს საზოგადოებას, რომ პროტესტი რუსთაველზე გაძლიერდეს. პირდაპირ აღიარეს და ჩვენ აღარ გვჭირდება თავის ტკივილი და ხალხისთვის ახსნა, რომ ეს სპეციალურად კეთდება, რადგან ხალხს არაფერი აქვს გასაპროტესტებელი და ამათ უნდათ, რომ პროტესტი არსებობდეს“, - აღნიშნა მაჭარაშვილმა.

ჩავარდნილი და ვერ შემდგარი სცენარის შემდეგ, ქვეყნის ინტერესების წინააღმდეგ მოქმედი ოპოზიცია, საქართველოს დაზიანების მიზნით ევროპაში დადის და ისევ ვიზალიბერალიზაციის გაუქმებას ითხოვს.