1
29 ოქტომბერი 2025, 14:55
საქართველოს ექს-პრეზიდენტი, ბრალდებული და მსჯავრდებული მიხეილ სააკაშვილი აშშ-ს, დიდ ბრიტანეთსა და ევროკავშირს ქართული ბანკების წინააღმდეგ სანქციების შემოღებას სთხოვს.
როგორც სააკაშვილი სოციალურ ქსელ X-ში წერს, ქართული ბანკები უნდა დასანქცირდეს, რადგან ისინი, სააკაშვილის მტკიცებით, საქართველოში რეპრესიულ რეჟიმს აფინანსებენ და რუსეთს ეხმარებიან.
„აღნიშნული ბანკები რეგულარულად აფინანსებენ რეჟიმის რეპრესიულ ღონისძიებებს, რომელთა მეშვეობით ასობით პოლიტიკური აქტივისტი და რიგითი მოქალაქე პოლიტიკური ნიშნითაა დაპატიმრებული და ძირითადი თავისუფლებები შელახულია“, - წერს სააკაშვილი.
გარდა ამისა, როგორც სააკაშვილი ამბობს, ქართული ბანკები რუსეთს ამერიკის, ევროკავშირისა და სხვა საერთაშორისო სანქციების გვერდის ავლაში ეხმარებიან.
„ქართული ბანკების დასანქცირებით თქვენ საქართველოში დემოკრატიის და კანონის უზენაესობის აღდგენას დაეხმარებით და აგრეთვე რეგიონში რუსეთის უკანონო საქმიანობას შეზღუდავთ“, - წერს სააკაშვილი.
| სარეკლამო ადგილი - 11 650 x 60 |
