ექსპერტი ნინო ფოჩხუა სოციალურ ქსელში, პაველ ჰერჩინსკის აღიარებას ეხმაურება, სადაც ჰერჩინსკი ამბობს, რომ საქართველოს ევროკავშირში გაწევრიანების შეჩერებაზე გადაწყვეტილება ირაკლი კობახიძის განცხადებამდე ხუთი თვით ადრე თავად მიიღეს.
ფოჩხუას თქმით, ევროკავშირის ბიუროკრატია საკუთარ სიცრუეს სხვას აბრალებს - მათი მიზანი საქართველოში რევოლუციური მუხტის შექმნაა, რომელსაც განხორციელება არ უწერია.
„იცით თუ რატომ ვერ აღწევენ მიზანს, ჩაანაცვლონ დღევანდელი ხელისუფლება მათთვის სასურველი ხელისუფლებით ჩვენი ქვეყნის „გულმხურვალე მეგობრები?“
იმიტომ რომ მთელი მათი მოქმედება სიცრუეზეა აგებული. როცა თვითონ იციან სიმართლე და უტიფრად ტყუიან, ნუთუ ცოტა მაინც არ ექმნებათ უხერხულობა?
ჩვენ კი ვიცოდით, რომ სანამ ირაკლი კობახიძე გააკეთებდა განცხადებას ევროკავშირში გაწევრიანების შეჩერების შესახებ, მანამდე ხუთი თვით ადრე, თავად ევროკავშირმა მიიღო ეს გადაწყვეტილება, რაც დღეს მისი სკანდალური წერილის გამოქვეყნების შემდეგ დადასტურდა. დააბრალე სხვას, რასაც თავად აკეთებ, აი ასე მოქმედებს დღევანდელი ბრიუსელის ბიუროკრატია, ეს კი მხოლოდ იმისთვის კეთდება, რომ როგორმე აწიონ რევოლუციური მუხტი ჩვენს ქვეყანაში, რომელსაც განხორციელება არ უწერია“, - წერს ფოჩხუა.
| სარეკლამო ადგილი - 11 650 x 60 |
