1
11 დეკემბერი 2025, 00:09
არჩევნებს აზრი არ აქვსო - ეს დავამტკიცეთ, რევოლუციას აზრი არ აქვსო - ეს დავამტკიცეთ და მერე მოვიგონეთ მესამე გზა - მუდმივი პროცესი, რეჟიმის დემონტაჟი და ქუჩის გადაკეტვა. ერთი წელი იძახდნენ, რომ ქუჩა თუ გადაიკეტება, შეიძლება 445-ე დღეს ჩამოიშალოს რეჟიმი. ქუჩა აღარ იკეტება, მაგრამ, რატომღაც პოლიტიკური პარტიების ლიდერები ქუჩას რატომ არ კეტავენ, გაუგებარია, თუ ეს არის გზა, - ამის შესახებ „ერთიანი ნაციონალური მოძრაობის“ ყოფილმა წევრმა, ნიკა ობოლაძემ, ტელეკომპანია "ფორმულას" ეთერში განაცხადა.
მისი თქმით, ბიძინა ივანიშვილის განადგურება თითქმის შეუძლებლად ეჩვენება, ოპოზიციის განადგურება კი შედარებით მარტივია და შესაბამისად, ობოლაძე მიიჩნევს, რომ ივანიშვილი ახლოს არის მიზანთან.
"საბოლოო ჯამში, თუ ჩვენ გვჯერა, რომ ახლა სიტუაცია ისეთია, ჩვენი ბოლომდე გავა ბოლოში და არა ივანიშვილის ბოლომდე, მაშინ არ უნდა დავუშვათ, რომ რამე შევცვალოთ და უნდა ვთქვათ, რომ კარგად მივდივართ. მაშინ უნდა ვთქვათ, რომ ახლა როგორც მივდივართ და რასაც ვაკეთებთ, არის კარგი. ახლა ჩვენ უნდა გავაგრძელოთ რამის კეთება- არ ვიცი ამას რა ჰქვია, ფაქტია, რომ არჩევნებზე არ მივდივართ, რევოლუციას არ ვაწყობთ, ქუჩას არ ვკეტავთ, მაგრამ კარგად მივდივართ და მალე ივანიშვილი არ იქნება - მე ამის არ მჯერა, თუ ამის გვჯერა, უნდა გავაგრძელოთ ამ ყველაფრის კეთება. თუ არავის არ გვჯერა, მაშინ რაღაც რეალობა უნდა ვაღიაროთ და რაღაც უნდა ვცადოთ.
არსებობს ორი ბოლომდე. ერთი არის, როდესაც ჩვენ გავჯიუტდით და ვთქვით, რომ ბოლომდე გავალთ და ივანიშვილს მოვაშორებთ, მე ეს მეჩვენება ძალიან რთულად და თითქმის შეუძლებლად. არსებობს მეორე ბოლომდე, სადაც ივანიშვილი ამბობს, რომ ის ბოლომდე გავა და გაგვანადგურებს ჩვენ ყველას. ივანიშვილი უფრო ახლოს არის მიზანთან, ვიდრე ჩვენ, ოღონდ, ივანიშვილს ამის გაკეთება, ასევე ძვირი დაუჯდება და მისთვის ეს არის რისკი." - განაცხადა ნიკა ობოლაძემ.
როგორც მან აღნიშნა, ოპოზიციას საზოგადოებისთვის არ აქვს სათქმელი, რომ "გრძელვადიან დემონტაჟს" აკეთებს.
"შეიძლება ივანიშვილი იგებს დროს, შეიძლება ჩვენ ვიგებთ დროს, რომ საბოლოოდ არ გავნადგურდეთ 2028-მდე და 2028-შიც მაინც ვცადოთ რამე". დღეს მე ვხედავ, რომ არ გვაქვს სათქმელი, რომ ხალხო რევოლუცია მოვაწყოთ, არ გვაქვს სათქმელი, რომ გრძელვადიან დემონტაჟს ვაკეთებთ, დღეს არ გვაქვს სათქმელი, რომ არჩევნები როცა იქნება მაშინ დავამარცხებთ, ამასაც ვერ ვამბობთ" - განაცხადა ობოლაძემ.
| სარეკლამო ადგილი - 11 650 x 60 |
