უცხოელი პიარშიკები აგებენ „ქართული ოცნების“ პიარშიკებთან და რევოლუციის მოწყობის დაქირავებული ინსტრუქტორები - ქართველ ხალხთან და სპეცსამსახურებთან, - განაცხადა სამხედრო ექსპერტმა ამირან სალუქვაძემ „დღის ქრონიკაში“.

მისი თქმით, კიდევ წააგებენ, სანამ არ ისწავლიან პოლიტიკოსობას, ოპოზიციონერობას, არ გაიაზრებენ წარსულს.

„ბლაჟევიჩი ხომ ტყუილად არ მუშაობს, ანაზღაურებას იღებს, ვისგან არ ვიცი, ეცოდინება ალბათ შესაბამის სამსახურებს. დროს ტყუილად ხომ არ ხარჯავს?! ერთი რამ ვერ გაიგეს, რომ ეს უცხოელი პიარტექნოლოგები რევოლუციის მომწყობი უცხოელი ინსტრუქტორები - აკერმანი იქნება, ბლაჟევიჩი, თუ სკილაროვი, უცხოელი პიარშიკები აგებენ „ქართული ოცნების“ პიარშიკებთან და რევოლუციის მოწყობის დაქირავებული ინსტრუქტორები - ქართველ ხალხთან და სპეცსამსახურებთან. კიდევ წააგებენ, სანამ არ ისწავლიან პოლიტიკოსობას, ოპოზიციონერობას, არ გაიაზრებენ წარსულს“, - აღნიშნა სალუქვაძემ.

„ქრონიკის“ ინფორმაციით, ოპოზიციას რევოლუციურ სცენარს ამჯერად „პრაღის სამოქალაქო საზოგადოების ცენტრის“ ერთ-ერთი ლიდერი, იგორ ბლაჟევიჩი უწერს. ინსტრუქციებს, ოპოზიციასთან ერთად, რამდენიმე ორგანიზაცია იღებს. მათ შორის არიან: მოძრაობა „ფარი-ერთობა“, ორგანიზაცია „წერტილი“ და „მომავლის აკადემია“.