სააკაშვილი იასკოსთან საერთო შვილის ფოტოს აქვეყნებს და ჟურნალისტებზე კვლავ ბრაზობს
სარეკლამო ადგილი - 10
650 x 60
1 27 ოქტომბერი 2026, 15:57
საქართველოს ყოფილი პრეზიდენტი მიხეილ სააკაშვილი ლიზა იასკოსთან ურთიერთობასა და მათ საერთო ქალიშვილ ჟასმინზე სოციალურ ქსელში გამოქვეყნებული უკრაინულენოვანი პოსტით გამოეხმაურა.

სააკაშვილმა გაავრცელა ჟასმინისა და დედამისის, გიული ალასანიას, ერთობლივი ფოტო და დაწერა, რომ ქალიშვილი ძალიან ენატრება. მისი თქმით, პატიმრობის გამო ბავშვთან შეხვედრას ვერ ახერხებს და ჟასმინს მის ნაცვლად ბებია ნახულობს და ეხმარება.

„რა თქმა უნდა, ვისურვებდი, თავად ჩავხუტებოდი ჟასმინს, თუმცა უკვე ხუთ წელზე მეტია, სამარტოო საკანში ვიმყოფები და მასთან შეხვედრა არ შემიძლია. ამიტომ ჟასმინს ჩემ ნაცვლად დედაჩემი ნახულობს და ყველანაირად ცდილობს მის დახმარებას“, - წერს სააკაშვილი.

ყოფილი პრეზიდენტი მადლობას უხდის ლიზა იასკოს, რომელიც, მისი თქმით, მათ საერთო ქალიშვილს რთულ პირობებში ზრდის. ამასთან, სააკაშვილი პირველად ღიად აცხადებს, რომ ის და იასკო უკვე დიდი ხანია ერთად აღარ არიან.

„ვერანაირი მატერიალური დახმარება ვერ შეცვლის მშობლის გვერდით ყოფნასა და სითბოს. ამიტომ ძალიან მადლობელი ვარ ლიზა იასკოსი, რომელიც ჩვენს ქალიშვილს უკიდურესად რთულ პირობებში ზრდის“, - აღნიშნავს იგი.

სააკაშვილი ასევე აკრიტიკებს უკრაინელი ჟურნალისტების ნაწილს, რომლებიც, მისი შეფასებით, მისი ჯანმრთელობის მდგომარეობითა და პატიმრობით არ დაინტერესებულან, თუმცა მის პირად ურთიერთობებში უხეშად ჩაერივნენ.

„უსაზღვროდ გაბრაზებული ვარ იმ უკრაინელ ჟურნალისტებზე - რა თქმა უნდა, ეს ყველას არ ეხება - რომლებიც ერთხელაც არ დაინტერესებულან ჩემი მრავალწლიანი ტყვეობით, მოწამვლით, წამებითა და ბრძოლით, სამაგიეროდ კი უხეშად ჩაერივნენ ჩემს ურთიერთობაში ქალიშვილთან და ლიზასთან“, - წერს სააკაშვილი.

მან ოჯახის დაშორება ომის შედეგად განცალკევებული უკრაინული ოჯახების ტრაგედიას შეადარა და მედიას მოუწოდა, მისი პირადი ცხოვრებისგან „საპნის ოპერა“ არ შექმნას.
სარეკლამო ადგილი - 11
650 x 60
ბერა ივანიშვილი: მთელი საქართველო შეძრა ფონიჭალაში მომხდარმა ტრაგედიამ, რომელსაც 6 ადამიანის სიცოცხლე ემსხვერპლა. ვლოცულობთ მათი სულებისთვის, ვუსამძიმრებ საქართველოს ამ უმძიმეს ამბავს
დონალდ ტრამპი – პუტინს ვკითხე, შეიჭრებოდა თუ არა უკრაინაში, მე რომ ვყოფილიყავი მაშინ აშშ-ის პრეზიდენტი, მან მიპასუხა, რომ ეს არასოდეს მოხდებოდა
შაკო კუჭაშვილი ნიკო მანაგაძეზე: საკუთარი დედის უარმყოფელი პავლიკა მოროზოვი რა დღეშია, ხედავთ?!
გურამ მაჭარაშვილი: ვითომ პოლიტიკოსები, არასამთავრობო სექტორი ის ხალხია, ვინც ყველაფერს ეძებენ, რათა პოლიტიკური სარგებელი ნახონ, საზოგადოება ყველაფერს ხვდება
ბიძინა გიორგობიანი: 2008 წელს ბორჯომში ტყე რომ დაწვეს რუსულმა ბომბდამშენებმა, ხაზარაძემ თქვა 10 ჰექტარს მე აღვადგენ ჩემი ფულითო, აბა ჩავიდეთ 18 წლის შემდეგ, 10 ხე თუ დარგო ვინმემ
არქივი