ნანა კაკაბაძე პარლამენტის საგამოძიებო კომისიაზე: დაიდო ძალიან მნიშვნელოვანი მტკიცებულება - ომის დროს არავის აინტერესებდა ქართველი ხალხის ბედი. ნაკლებად სავარაუდოა, რომ ეს ომი დაიწყო იმის გამო, რომ ვინმეს ტერიტორიული მთლიანობა აინტერესებდა
სარეკლამო ადგილი - 10
650 x 60
1 28 მარტი 2025, 18:14

უფლებადამცველმა, „ერთიანი ნეიტრალური საქართველოს“ წევრმა, ნანა კაკაბაძემ პარლამენტის დროებითი საგამოძიებო კომისიის მუშაობა „დღის ქრონიკაში“ შეაფასა და აღნიშნა, რომ უკვე ფაქტებად ხდება იმის გამოვლინება, რაც საზოგადოებამ ისედაც იცოდა.

„ჩემთვის, დღევანდელი სხდომის ყველაზე საინტერესო მომენტი იყო ყურაშვილის ჩვენების ის ეპიზოდი, როდესაც მას კითხვებს უსვამდნენ გორში, სააკაშვილის ვიზიტის დროს მათი შეხვედრის შესახებ. ყურაშვილი იყო გენერალი და მის ფუნქციებში შედიოდა მშვიდობიანი მოსახლეობის დაცვა. კომისიის წევრებმა მას ჰკითხეს, მიაწოდა თუ არა ინფორმაცია პრეზიდენტს, რომ მოსახლეობა სერიოზული საფრთხის ქვეშ იყო, რომ ომი მიმდინარეობდა და ევაკუაცია საჭირო იყო. ამაზე ყურაშვილის პასუხი იყო - არა. მან განმარტა, რომ იქ იყო სხვა გარემოება, რომლის გამო პრეზიდენტს ეს კითხვა ვერ დავუსვიო. ომის დროს, ამაზე უფრო მნიშვნელოვანი რა შეიძლებოდა ყოფილიყო?! მშვიდობიანი მოსახლეობის ბედი არ აღელვებდა იმ სამხედრო პირს, გენერალს, რომელსაც უშალოდ ევალებოდა მშვიდობიანი მოსახლეობის დაცვა. ამ პასუხის მოსმენა იყო კატასტროფული, მაგრამ უფრო კატასტროფულია ის, რომ თვითონ პრეზიდენტი არ დაინტერესდა მშვიდობიანი მოსახლეობით.

დაიდო ძალიან მნიშვნელოვანი მტკიცებულება - ომის დროს არავის აინტერესებდა ქართველი ხალხის, ამ ნაწილის ბედი. აქედან გამომდინარე, ნაკლებად სავარაუდოა, რომ ეს ომი დაიწყო იმის გამო, რომ ვინმეს ტერიტორიული მთლიანობა აინტერესებდა. როდესაც შენ არ გაინტერესებს ამ ტერიტორიაზე მცხოვრები მოსახლეობის ბედი და მდგომარეობა, მაშინ როგორ შეიძლება დამაჯერებელი იყოს ის, რომ შენ ამ ტერიტორიების ბედი გაინტერესებს.

ყველამ ვიცით, რომ სააკაშვილი და მისი რეჟიმი იყო საქართველოში დანიშნული გარედან არა იმიტომ, რომ საქართველოს მოსახლეობის კეთილდღეობისთვის ეზრუნათ, არამედ ეზრუნათ სხვა ქვეყნის ინტერესებისთვის, თეორიულად ეს ჩვენ ისედაც ვიცოდით, მაგრამ დღეს ეს კომისია დებს მტკიცებულებას, რომ ეს ასე იყო და ამას ალაპარაკებს იმ ადამიანებს, რომლებიც ომის პროცესში უშალოდ იყვნენ ჩართულები“, - აღნიშნა ნანა კაკაბაძემ.

სარეკლამო ადგილი - 11
650 x 60
გიორგი კალანდია ნიკოლოზ რაჭველს: ადამიანი, რომელსაც 2008 წლის ომის შემდეგ რუსეთთან მჭიდრო ურთიერთობები ჰქონდა, სხვებს ასე იოლად ვერ უნდა აკრავდეს მოღალატის იარლიყს
დავით ჩიხელიძე: მესმის, გაზის დროებითი გათიშვა მოსახლეობისთვის გარკვეულ დისკომფორტს შექმნის, თუმცა, ამ სამუშაოების მნიშვნელობა სწორედ იმაშია, რომ ათასობით ოჯახს შესაძლებლობა ექნება, ზამთარს მშვიდად, თბილად და კომფორტულად შეხვდეს
გია აბაშიძე: ფონიჭალის ტრაგედიის სერბეთის ნოვი სადის რკინიგზის სადგურში მომხდარ უბედურ შემთხვევასთან შედარება განსაკუთრებული ცინიზმია
დავით ქართველიშვილი: ადამიანურ ტრაგედიას ქოცურ-ნაცურ „ბენეფიტებში“ რანაირად განიხილავთ, ერთ დაწერილ წინადადებაში რამდენი უნდა გადაგიხადონ
დავით ჩიხელიძე: ფონიჭალაში უმძიმესი ტრაგედია მოხდა და ნანგრევების ქვეშ მოყოლილ ადამიანებს ჯერ კიდევ ეძებენ, „კოლექტიური ნაცმოძრაობა“ ცდილობს, რომ აფეთქება, რომელიც დაუდევრობამ გამოიწვია, პოლიტიკურ ჭრილში გადაიყვანოს და მომხდარით პოლიტიკური ქულები დაიწეროს
არქივი