ამირან სალუქვაძე სტამბოლის შეხვედრაზე: ვფიქრობ, მაინც მნიშვნელოვანია, საწყის ეტაპზე, ტექნიკურმა ჯგუფმა მაქსიმალურად ნაყოფიერად იმუშაოს, რათა მომზადდეს როგორც უკრაინა-რუსეთის პირველი პირების შეხვედრა, ასევე ტრამპი-პუტინის შეხვედრა
სარეკლამო ადგილი - 10
650 x 60
1 16 მაისი 2025, 19:04

ვფიქრობ, მაინც მნიშვნელოვანია, საწყის ეტაპზე, ტექნიკურმა ჯგუფმა მაქსიმალურად ნაყოფიერად იმუშაოს, რათა მომზადდეს როგორც უკრაინა-რუსეთის პირველი პირების შეხვედრა, ასევე ტრამპი-პუტინის შეხვედრა, - განაცხადა „დღის ქრონიკაში“ სამხედრო ექსპერტმა, ამირან სალუქვაძემ სტამბულში მიმდინარე შეხვედრაზე საუბრისას.

მან ისაუბრა უკრაინის ომის დასრულების პროცესში ამერიკის როლზე. კერძოდ, მისივე თქმით, აშშ-ის პრეზიდენტმა დონალდ ტრამპმა საკუთარი განცხადებით, რომ სამშვიდობო პროცესი არ იქნება წარმატებული, ვიდრე მისი და რუსეთის პრეზიდენტის შეხვედრა არ შედგება - დაადასტურა, რომ ეს არის დაპირისპირება რუსეთსა და ამერიკას შორის.

„უკრაინა არის ბრძოლის ველი - ამას არც რუსეთი მალავს და ტრამპმა ეს კიდევ ერთხელ გაახმოვანა. მხოლოდ ტრამპმა არ გააკეთა ეს განცხადება - მარკო რუბიომ გაიმეორა მისი განცხადების შემდეგ, რომ შედეგები შეიძლება დადგეს მხოლოდ და მხოლოდ ტრამპი-პუტინს შეხვედრის შემდეგ. ე.ი. არის რაღაც სხვა საკითხები, არ მინდა ამას სავაჭრო საკითხები ვუწოდო იმ სიტუაციაში, როდესაც ყოველ დღე ასობით ადამიანი იღუპება და კიდევ უფრო მეტი სახიჩრდება; აღარ ვსაუბრობ სხვა ზარალზე - ვაჭრობაზე საუბარი ცოტა უხერხულია, მაგრამ ასე გამოდის. არის რაღაც საკითხები, მათ შორის უკრაინის საკითხიც, რომელიც უნდა გადაწყდეს რუსეთ-უკრაინას შორის.

გაკეთდა განცხადებები, რომ შესაძლოა, ეს შეხვედრა მალე მოხდეს. გასაგებია, რომ ტრამპმა დააანონსა, შეიძლება, ჩავიდე სტამბოლშიო, მაგრამ რუსეთმა ეს აღიქვა გარკვეულ ტრიუკად ტრამპის მხრიდან, რათა პუტინი როგორმე ჩასულიყო.

ვფიქრობ, მაინც მნიშვნელოვანია საწყის ეტაპზე ამ ტექნიკურმა ჯგუფმა მაქსიმალურად ნაყოფიერად იმუშაოს, რათა მომზადდეს როგორც უკრაინა-რუსეთის პირველი პირების შეხვედრა, ასევე ტრამპი-პუტინის შეხვედრა. სერიოზული მომზადების გარეშე შეხვედრა-შეხვედრისთვის იქნება ის, რომ საომარი მოქმედებები კიდევ უფრო გაიწელება“, - აღნიშნა სამხედრო ექსპერტმა.

ომის დაწყების შემდეგ პირველად, რუსეთ-უკრაინის დელეგაციებს შორის პირისპირ შეხვედრა გაიმართა. დელეგაციებს სტამბოლი მასპინძლობს. უკრაინა ცეცხლის სრულ და უპირობო შეწყვეტას ითხოვს, რუსეთი კი ცეცხლის შეწყვეტაზე მოლაპარაკებებს თავს არიდებს.

სარეკლამო ადგილი - 11
650 x 60
გიორგი კალანდია ნიკოლოზ რაჭველს: ადამიანი, რომელსაც 2008 წლის ომის შემდეგ რუსეთთან მჭიდრო ურთიერთობები ჰქონდა, სხვებს ასე იოლად ვერ უნდა აკრავდეს მოღალატის იარლიყს
დავით ჩიხელიძე: მესმის, გაზის დროებითი გათიშვა მოსახლეობისთვის გარკვეულ დისკომფორტს შექმნის, თუმცა, ამ სამუშაოების მნიშვნელობა სწორედ იმაშია, რომ ათასობით ოჯახს შესაძლებლობა ექნება, ზამთარს მშვიდად, თბილად და კომფორტულად შეხვდეს
გია აბაშიძე: ფონიჭალის ტრაგედიის სერბეთის ნოვი სადის რკინიგზის სადგურში მომხდარ უბედურ შემთხვევასთან შედარება განსაკუთრებული ცინიზმია
დავით ქართველიშვილი: ადამიანურ ტრაგედიას ქოცურ-ნაცურ „ბენეფიტებში“ რანაირად განიხილავთ, ერთ დაწერილ წინადადებაში რამდენი უნდა გადაგიხადონ
დავით ჩიხელიძე: ფონიჭალაში უმძიმესი ტრაგედია მოხდა და ნანგრევების ქვეშ მოყოლილ ადამიანებს ჯერ კიდევ ეძებენ, „კოლექტიური ნაცმოძრაობა“ ცდილობს, რომ აფეთქება, რომელიც დაუდევრობამ გამოიწვია, პოლიტიკურ ჭრილში გადაიყვანოს და მომხდარით პოლიტიკური ქულები დაიწეროს
არქივი