დავით ქართველიშვილი: თუ ევროკავშირი არ იქნება ჩვენთვის მიმზიდველი და არ გვექნება გადაკვეთის წერტილები, მაშინ ჩვენ ასეთ კავშირში არაფერი გვესაქმება, იმიტომ, რომ მას ვერ გავაკეთილშობილებთ, მაგრამ საკუთარ თავს დავკარგავთ
სარეკლამო ადგილი - 10
650 x 60
1 04 ნოემბერი 2026, 14:12

„ჩვენ გვაქვს იმის მოთმინების უნარი, დავაკვირდეთ საით მიექანება ბრიუსელი და ევროკავშირი,“ - განაცხადა „ხალხის ძალის“ წევრმა, დავით ქართველიშვილმა ჟურნალისტებთან საუბრისას და გაფართოების შესახებ ევროკავშირის დოკუმენტში მოსალოდნელ ჩანაწერებზე ისაუბრა.


დავით ქართველიშვილმა ხაზგასმით აღნიშნა ისიც, რომ დოკუმენტის გამოქვეყნებამდე პრემიერ-მინისტრის, ირაკლი კობახიძის, განცხადება საქართველოს ევროპული არჩევანის შესახებ და ფრაზა ევროკავშირში ღირსებით შესვლის თაობაზე, მისთვის მოსალოდნელი იყო.

„პრემიერ-მინისტრის, როგორც ქვეყნის ხელისუფლების ლიდერის, მხრიდან სხვა განცხადების მოსმენას არც ველოდი. ხელისუფლების პათოსი იგივე რჩება: საქართველო აუცილებლად გახდება ევროკავშირის წევრი, ოღონდ ღირსებით შევა იქ. ეს არის ამ ხელისუფლების საკვანძო ფრაზა.


ამ პათოსს, რომელიც ხელისუფლების მხრიდან ჟღერს, შეიძლება დაეთანხმო ან არა. მე, მაგალითად, პრემიერისგან განსხვავებით, უფრო თავისუფალი ვარ და შემიძლია, ჩემი ინტერპრეტაცია მოვახდინო იმის შესახებ, თუ რას ნიშნავს ევროკავშირში ღირსებით შესვლა.

ევროკავშირი არის სუბიექტობადაკარგული ორგანიზაცია, რომელიც თავის დროზე სხვა მიზნებისთვის შეიქმნა. დღეს მან ის მიზნები და ფესვები დაკარგა, რომლებზეც აღმოცენდა, და გაურკვეველ და გაუკუღმართებულ ორგანიზაციად იქცა, სადაც სულ სხვა ფასეულობებია.

ეს არ არის ის ორგანიზაცია, რომელიც ჩვენთვის წლების განმავლობაში ძალიან მიმზიდველი იყო. ევროკავშირის ბიუროკრატია მართლაც ემსგავსება იმ ევროსაბჭოთა კავშირს, რომლის ნამსხვრევების მსხვერპლიც ვართ ჩვენ, საქართველო, და ძალიან კარგად ვიცით, რით შეიძლება დასრულდეს ის პროცესები, რომლებიც ახლა ევროკავშირის სივრცეში მიმდინარეობს.


ევროკავშირი იმ ტრანსფორმაციის გზას დაადგა, რომელმაც თავის დროზე საბჭოთა კავშირს უბიძგა, თავის ნამსხვრევებზე შეექმნა დსთ (დამოუკიდებელ სახელმწიფოთა თანამეგობრობა), იმიტომ, რომ დღეს ევროკავშირში შემავალი არცერთი სუბიექტი არ არის დამოუკიდებელი. ეს არის საბჭოთა კავშირის ზუსტი, დამახინჯებული ასლი, სადაც ქმნიდნენ ერთიან საბჭოთა ადამიანს. ახლა ევროკავშირში ქმნიან ერთიან, უნიფიცირებულ ევროპელ ადამიანს, რომელმაც უნდა გააერთიანოს და შთანთქას საკუთარ თავში პორტუგალიელი და ესტონელი, რომლებიც ძალიან განსხვავდებიან ერთმანეთისგან. ყველაფერ ამას აკეთებენ ლგბტ თემის დღის წესრიგის გარშემო, რომელიც თითქოსდა აუცილებელ პირობად იქცა იმისთვის, რომ გერქვას ევროპული ცივილიზაციის ნაწილი.


ჩვენ ამ ყველაფერს ვუყურებთ და გვაქვს იმის მოთმინების უნარი, რომ საკუთარი თავი შევინახოთ და დავაკვირდეთ, საით მიექანება ბრიუსელი და ევროკავშირი. თუ ის არ იქნება ჩვენთვის მიმზიდველი, თუ არ გვექნება გადაკვეთის წერტილები იმასთან, რასაც ქრისტიანული კულტურა ჰქვია, მაშინ ჩვენ ასეთ კავშირში არაფერი გვესაქმება, იმიტომ, რომ მას ვერ გავაკეთილშობილებთ, მაგრამ საკუთარ თავს დავკარგავთ“, - განაცხადა დავით ქართველიშვილმა.

სარეკლამო ადგილი - 11
650 x 60
გიორგი კალანდია ნიკოლოზ რაჭველს: ადამიანი, რომელსაც 2008 წლის ომის შემდეგ რუსეთთან მჭიდრო ურთიერთობები ჰქონდა, სხვებს ასე იოლად ვერ უნდა აკრავდეს მოღალატის იარლიყს
დავით ჩიხელიძე: მესმის, გაზის დროებითი გათიშვა მოსახლეობისთვის გარკვეულ დისკომფორტს შექმნის, თუმცა, ამ სამუშაოების მნიშვნელობა სწორედ იმაშია, რომ ათასობით ოჯახს შესაძლებლობა ექნება, ზამთარს მშვიდად, თბილად და კომფორტულად შეხვდეს
გია აბაშიძე: ფონიჭალის ტრაგედიის სერბეთის ნოვი სადის რკინიგზის სადგურში მომხდარ უბედურ შემთხვევასთან შედარება განსაკუთრებული ცინიზმია
დავით ქართველიშვილი: ადამიანურ ტრაგედიას ქოცურ-ნაცურ „ბენეფიტებში“ რანაირად განიხილავთ, ერთ დაწერილ წინადადებაში რამდენი უნდა გადაგიხადონ
დავით ჩიხელიძე: ფონიჭალაში უმძიმესი ტრაგედია მოხდა და ნანგრევების ქვეშ მოყოლილ ადამიანებს ჯერ კიდევ ეძებენ, „კოლექტიური ნაცმოძრაობა“ ცდილობს, რომ აფეთქება, რომელიც დაუდევრობამ გამოიწვია, პოლიტიკურ ჭრილში გადაიყვანოს და მომხდარით პოლიტიკური ქულები დაიწეროს
არქივი