თამარ ჩიბურდანიძე: გარდატეხა მსოფლიოში უკვე მოხდა - თუ ამერიკას სურს, მსოფლიო პოლიტიკაში დომინირება გააგრძელოს, მაშინ ის ვეღარ გამოიყენებს ფსევდოლიბერალიზმს პოლიტიკურ იარაღად ისე ხისტად, როგორც აქამდე იყენებდა
სარეკლამო ადგილი - 10
650 x 60
1 04 ნოემბერი 2026, 20:03

„ორგანიზაცია „ანტიფა“ და „ვოუქიზმი“, რომლებიც დასავლური ფსევდოლიბერალური იდეოლოგიის ნაწილია და აფროამერიკული წარმოშობის მოძრაობის წევრები ჰყავს, ჩრდილოვანმა მმართველებმა - დემოკრატებმა - ევროპასა და ამერიკაში არჩევნების მოსაგებად გამოიყენეს,“ - განაცხადა მედიასთან საუბარში პარტია „ხალხის ძალის“ წევრმა თამარ ჩიბურდანიძემ.

მისი თქმით, ევროპაში მიმდინარე ქუჩის აქციები მმართველი ბიუროკრატების მიერ არის მოწყობილი და პროვოცირებული, თუმცა გარკვეულ დროს მათ მართვის სადავეები გაექცათ.

ჩიბურდანიძის განმარტებით, ლიბერალები მსოფლიოს მმართველ იდეოლოგიურ ძალად ვეღარ დაბრუნდებიან, რადგან დღეს მსოფლიოს აღარ ჰყავს ერთი წამყვანი, ლიდერი სახელმწიფო. ექსპერტის განცხადებით, მსოფლიოს მეორე ძლიერ სახელმწიფოს ჩინეთს და სამხრეთ-აღმოსავლეთის ხაზს, ძლიერი არაბული სახელმწიფოებით, აქვთ თავიანთი იდეოლოგია, რომელიც რელიგიის დონემდეა დასული.

„ორგანიზაცია „ანტიფა“ და „ვოუქიზმი“, რომლებიც დასავლური ფსევდოლიბერალური იდეოლოგიის ნაწილია და აფროამერიკული წარმოშობის მოძრაობის წევრები ჰყავს, ჩრდილოვანმა მმართველებმა - დემოკრატებმა - ევროპასა და ამერიკაში არჩევნების მოსაგებად გამოიყენეს.

დღეს ბევრი სვამს კითხვას: დაბრუნდებიან თუ არა ლიბერალები მსოფლიოს მმართველ იდეოლოგიურ ძალად? ვფიქრობ, რომ არა. დღეს მსოფლიოს აღარ ჰყავს ერთი წამყვანი, ლიდერი სახელმწიფო. მეორე ძლიერი სახელმწიფო არის ჩინეთი და მთელი სამხრეთ-აღმოსავლეთის ხაზი, ძლიერი არაბული სახელმწიფოებით.

პოლიტიკურად სახელმწიფოს აღზევება, იმავდროულად, მისი იდეოლოგიის აღზევებაც არის. სამხრეთ-აღმოსავლეთის ვექტორმა პოლიტიკაში შემოიტანა აღმოსავლეთისა და სამხრეთის კონსერვატიზმი, რომელიც რელიგიის დონეზე ასული კონსერვატიზმია.

თუ ამერიკას სურს, როგორც ლიდერმა სახელმწიფომ, მსოფლიო პოლიტიკაში დომინირება გააგრძელოს, მაშინ ის ვეღარ გამოიყენებს ფსევდოლიბერალიზმს პოლიტიკურ იარაღად ისე ხისტად, როგორც აქამდე იყენებდა.

არ არის გამორიცხული, რუსეთ-უკრაინის ომის დასრულების შემდეგ რუსეთმაც თქვას თავისი სიტყვა.

ის, რაც დღეს ევროპაში ხდება, არის იდეოლოგიური ომი. ევროპაში მიმდინარე ქუჩის აქციები მმართველი ბიუროკრატების მიერ არის მოწყობილი და პროვოცირებული, თუმცა მათ მართვის სადავეები გაექცათ.

ევროპულ სახელმწიფოებში მომძლავრებულია მემარჯვენე ოპოზიცია. მოსახლეობის ქუჩაში გამოსაყვანად მათ გამოიყენეს სოციალური პოლიტიკა, რაც ნამდვილად პრობლემაა დღეს ევროპაში.

გარდატეხა მსოფლიოში უკვე მოხდა. რა ძალაუფლებაც ჰქონდათ ლიბერალებსა და ჩრდილოვან მმართველებს, იმის უკან დაბრუნება შეუძლებელია.

გარკვეულ ძალაუფლებას ისინი შეინარჩუნებენ, რაც შეძლეს კიდეც ამერიკაში და გარკვეულ დონეზე, ამას შეძლებენ ევროპაშიც“, - განაცხადა თამარ ჩიბურდანიძემ.

სარეკლამო ადგილი - 11
650 x 60
გიორგი კალანდია ნიკოლოზ რაჭველს: ადამიანი, რომელსაც 2008 წლის ომის შემდეგ რუსეთთან მჭიდრო ურთიერთობები ჰქონდა, სხვებს ასე იოლად ვერ უნდა აკრავდეს მოღალატის იარლიყს
დავით ჩიხელიძე: მესმის, გაზის დროებითი გათიშვა მოსახლეობისთვის გარკვეულ დისკომფორტს შექმნის, თუმცა, ამ სამუშაოების მნიშვნელობა სწორედ იმაშია, რომ ათასობით ოჯახს შესაძლებლობა ექნება, ზამთარს მშვიდად, თბილად და კომფორტულად შეხვდეს
გია აბაშიძე: ფონიჭალის ტრაგედიის სერბეთის ნოვი სადის რკინიგზის სადგურში მომხდარ უბედურ შემთხვევასთან შედარება განსაკუთრებული ცინიზმია
დავით ქართველიშვილი: ადამიანურ ტრაგედიას ქოცურ-ნაცურ „ბენეფიტებში“ რანაირად განიხილავთ, ერთ დაწერილ წინადადებაში რამდენი უნდა გადაგიხადონ
დავით ჩიხელიძე: ფონიჭალაში უმძიმესი ტრაგედია მოხდა და ნანგრევების ქვეშ მოყოლილ ადამიანებს ჯერ კიდევ ეძებენ, „კოლექტიური ნაცმოძრაობა“ ცდილობს, რომ აფეთქება, რომელიც დაუდევრობამ გამოიწვია, პოლიტიკურ ჭრილში გადაიყვანოს და მომხდარით პოლიტიკური ქულები დაიწეროს
არქივი