აშშ უკრაინას იარაღით მომარაგების სისტემის შეჩერებით ემუქრება, რათა კიევი აიძულოს, შეწყვიტოს რუსეთის ენერგეტიკულ ინფრასტრუქტურაზე დარტყმები, – ამის შესახებ „ფაინენშალ თაიმსი“ წყაროებზე დაყრდნობით წერს.
კერძოდ, გამოცემის ინფორმაციით, საუბარია სადაზვერვო მონაცემების გაზიარების შეწყვეტასა და პრიორიტეტული საჭიროებების სიის მექანიზმის შეჩერებაზე.
„ისინი კიევში რეკავენ, ისინი ყველას ურეკავენ (ევროპაში)“, – განაცხადა ერთ-ერთმა მაღალჩინოსანმა, რომელსაც გამოცემის ცნობით, აშშ-ის თავდაცვის უწყების წარმომადგენელი დაუკავშირდა.
მანამდე, აშშ-ის პრეზიდენტმა, დონალდ ტრამპმა რუსეთსა და უკრაინას შორის „ენერგეტიკული ცეცხლის შეწყვეტა“ გამოაცხადა, რომელიც, მისი თქმით, დაუყოვნებლივ შევიდა ძალაში. უკრაინის პრეზიდენტმა, ვოლოდიმირ ზელენსკიმ კი აღნიშნა, რომ ჯერჯერობით შეთანხმების დეტალებს ელოდება.
| სარეკლამო ადგილი - 11 650 x 60 |
