ევროკავშირმა რუსეთის მიერ უკრაინაში სრულმასშტაბური შეჭრის დაწყების შემდეგ სანქციების ყველაზე დიდი პაკეტი დაამტკიცა.
ახალი შეზღუდვების მთავარი მიზანი კრემლის მიერ რაკეტების წარმოების უნარის შეზღუდვა და შესუსტებაა.
გადაწყვეტილება ევროკავშირის წევრი ქვეყნების საგარეო საქმეთა მინისტრებმა ლუქსემბურგში გამართულ შეხვედრაზე მიიღეს.
ევროკავშირის უმაღლესი დიპლომატის, კაია კალასის განცხადებით, სანქციების სიაში 1 600-ზე მეტი ახალი ფიზიკური და იურიდიული პირი დაემატა, რომლებიც პირდაპირ არიან დაკავშირებულნი რუსეთის სამხედრო-სამრეწველო კომპლექსთან.
„ეს არის ჩვენი სანქციების სიის ყველაზე მასშტაბური გაფართოება მას შემდეგ, რაც რუსეთმა ომი დაიწყო“, - დაწერა კალასმა სოციალურ ქსელ X-ში. - „ახლად დამატებული სუბიექტების ნახევარზე მეტი უშუალოდ ბალისტიკური რაკეტების წარმოების ჯაჭვთან არის დაკავშირებული“.
| სარეკლამო ადგილი - 11 650 x 60 |
