1
14 ოქტომბერი 2026, 14:40
ჰამბურგში 2022 წლის სექტემბერში გაზსადენების -„ჩრდილოეთის ნაკადისა“ და „ჩრდილოეთის ნაკადი 2-ის“ - აფეთქების საქმეზე სასამართლო პროცესი დაიწყო.
საბრალდებო სკამზეა უკრაინის 50 წლის მოქალაქე სერგეი კ., რომელსაც გამოძიება დივერსიული ჯგუფის ხელმძღვანელად მიიჩნევს.
თუმცა ბრალდებული სასამართლოში ჩვენების მიცემას არ აპირებს. მედიის ინფორმაციით, სერგეი კ. საიდუმლო ქვედანაყოფის წევრი იყო და მას სამსახურის პერიოდში განხორციელებულ მოქმედებებზე საუბრის უფლება ასეთ ვითარებაშიც არ აქვს, რადგან საიდუმლო ინფორმაციის გამჟღავნების შემთხვევაში უკრაინაში პატიმრობა ემუქრება.
ამის გამო სერგეი კ.-ს დაცვის მხარე მიიჩნევს, რომ მას საკუთარი თავის ეფექტიანად დაცვის შესაძლებლობა ერთმევა.
„ამ ვითარებაში პროკურატურას ეკისრება ვალდებულება, ამომწურავად და ყოველგვარი გონივრული ეჭვის გარეშე დაამტკიცოს, რომ ყველაფერი მართლაც სწორედ ისე მოხდა, როგორც ამას ბრალდება აღწერს“, - განაცხადა DW-ის საინფორმაციო გადაცემის ეთერში ბრალდებულის დაცვის ჯგუფის წევრმა, ადვოკატმა ილია ნოვიკოვმა.
მისი თქმით:
„როგორც ჩანს, სანამ სერგეი კ.-ს იტალიიდან გერმანიაში გადასცემდნენ, პოლიციის ერთ-ერთი მთავარი იმედი ის იყო, რომ იგი ჩვენების მიცემას დაიწყებდა, გამოძიებასთან ითანამშრომლებდა ან, შესაძლოა, დანაშაულსაც აღიარებდა. მაგრამ მან თავიდანვე თანმიმდევრულად აირჩია დუმილი. ეს ნიშნავს, რომ ახლა მთელი სამუშაო - პირველი ასოდან უკანასკნელ ასომდე - თავად გამოძიებამ და პროკურატურამ უნდა შეასრულონ“.
| სარეკლამო ადგილი - 11 650 x 60 |
