1
14 ოქტომბერი 2026, 17:58
დეპუტატის თქმით, მანანა კობახიძის გადაწყვეტილებას შინაარსობრივად და სამართლიანობის თვალსაზრისით გამართლება არ აქვს.
„ვინც ჩათვლის, რომ შესაძლებელია ამ საკითხს სხვანაირად შეხედო და არ აკრძალო ეს დანაშაულებრივი რეჟიმის მქონე ე.წ. პოლიტიკური პარტიები, მან პასუხი უნდა გასცეს ქართველ საზოგადოებას, რომელიც აუცილებლად დასვამს კითხვას - თუ რას აკეთებდა ამ ხნის განმავლობაში, როდესაც არაერთხელ დადასტურდა, რომ „ნაცმოძრაობა“, თავის ფილიალებთან ერთად, შინაარსობრივად დანაშაულებრივი რეჟიმია.
როდესაც ხარ საკონსტიტუციო სასამართლოს მოსამართლე, უნდა მიიღო მონაწილეობა საქმის განხილვაში, თუ რაიმე სუბიექტური მიდგომა გაქვს ამ საქმესთან დაკავშირებით. ასეთი სუბიექტური მიდგომა ვერ დაინახა საკონსტიტუციო სასამართლომ, ამიტომაც კობახიძეს აცილებასთან დაკავშირებით პირველ მოთხოვნაზე უარი უთხრა.
რაც შეეხება მის გადადგომას - კიდევ ერთხელ ვიმეორებ, ეს არის მისი გადაწყვეტილება. ჩემი აზრით, ამას შინაარსობრივად და სამართლიანობის თვალსაზრისით არანაირი გამართლება არ აქვს. ასეთი ტიპის გადაწყვეტილებები მხოლოდ სამართლებრივ ჭრილში ვერ განიხილება ხოლმე. მით უფრო, ჩვენ ვიცით, რომ სამი თუ ოთხი თვეა დარჩენილი მისი უფლებამოსილების შეწყვეტამდე“, - განაცხადა გურამ მაჭარაშვილმა.
| სარეკლამო ადგილი - 11 650 x 60 |
