საფრანგეთის პროკურატურამ არეულობის დროს 2 500 დაკავებული პირიდან 900 სისხლის სამართლის წესით ბრალი წაუყენა, განაცხადა ქვეყნის იუსტიციის მინისტრმა ჟერალდ დარმანენმა.

დარმანენის თქმით, საუბარია გასულ უქმეებზე დაკავებულ ადამიანებზე. 900 ადამიანიდან, ვისაც ბრალი წარედგინა, 174 პატიმრობაში იმყოფება.

ამის ფონზე, პარიზის ადმინისტრაციულმა სასამართლომ გადაუდებელი წესით შეაჩერა პოლიციის განკარგულება, რომელიც სტუდენტური კოალიციის Interfac Île-de-France-ის მიერ ორგანიზებული დემონსტრაციის ჩატარებას კრძალავდა. კოალიცია უნივერსიტეტების საერთო კრებებში მონაწილე სტუდენტებს აერთიანებს.

აქცია დღეს არის დაგეგმილი. სასამართლოს მოსამართლეს გადაწყვეტილების გაუქმების მიზეზები არ განუმარტავს.