1
27 ოქტომბერი 2026, 20:39
გერმანიის კანცლერი ფრიდრიხ მერცი ამჟამად აზია-წყნარი ოკეანის რეგიონის ქვეყნებში მოგზაურობს. იგი სინგაპურს ეწვია, სადაც ორქიდეა ეროვნული ყვავილია და არსებობს ე.წ. „ორქიდეების დიპლომატიის“ ტრადიცია - სპეციალური ცერემონიის დროს ორქიდეის ერთ-ერთ სახეობას მაღალი რანგის სტუმრის სახელს არქმევენ.
ახლა სინგაპურში ორქიდეის ახალი სახეობა - „ვანდრა ფრიდრიხ მერცი“ (Vanda Friedrich Merz) არსებობს. მანამდე გერმანიის სხვა ლიდერების სახელები ეწოდა:
- 2011 წელს - „დენდრობიუმ ანგელა მერკელი“;
- 2022 წელს - „რენანტერა ოლაფ შოლცი“.
როგორც ტელეარხი NTV წერს, სინგაპურის პარლამენტში გამართულ ცერემონიაზე მერცმა განაცხადა, რომ ეს მისთვის „დიდი პატივია“.
კანცლერის ვიზიტის მთავარი მიზანია გერმანიის პარტნიორული ურთიერთობების გაფართოება აზია-წყნარი ოკეანის რეგიონში, რათა ქვეყანამ ჩინეთზე დამოკიდებულება შეამციროს.
მერცი ასევე მხარს უჭერს ევროკავშირსა და ტრანსწყნაროკეანურ პარტნიორობას შორის თავისუფალი ვაჭრობის შეთანხმების გაფორმებას. ამ სავაჭრო გაერთიანებაში 12 სახელმწიფო შედის.
სინგაპურიდან გერმანიის კანცლერი იაპონიაში გაემგზავრება, შემდეგ კი სამხრეთ კორეას ეწვევა.
| სარეკლამო ადგილი - 11 650 x 60 |
