ისრაელში 27 ოქტომბერს საპარლამენტო არჩევნები მიმდინარეობს. დაახლოებით 7.3 მილიონი ამომრჩეველი ქნესეთის 120 დეპუტატს ირჩევს.

ბევრი ისრაელელი ამ არჩევნებს ქვეყნისთვის გადამწყვეტად მიიჩნევს, რაც ამომრჩეველთა მაღალ აქტივობაზეც აისახა.

ცენტრალური საარჩევნო კომისიის მონაცემებით, აქტივობამ 1973 წლის შემდეგ უმაღლეს მაჩვენებელს მიაღწია. ცენტრალური ევროპის დროით 13:00 საათისთვის - ისრაელის დროით 14:00 საათზე - ხმა ამომრჩეველთა 44.9%-ს უკვე მიცემული ჰქონდა.

ARD-ის ცნობით, ეს მაჩვენებელი დაახლოებით ექვსი პროცენტული პუნქტით აღემატება 2022 წლის არჩევნებზე იმავე დროისთვის დაფიქსირებულ აქტივობას.

ისრაელის არჩევნებზე რეკორდული აქტივობაა - ხმის მისაცემად ქვეყანაში უცხოეთიდან 70 000-ზე მეტი მოქალაქე ჩავიდა

ისრაელის მედია წერს, რომ არჩევნებში მონაწილეობის მისაღებად ქვეყანაში უცხოეთიდან 70 000-ზე მეტი ისრაელელი დაბრუნდა. თვითმხილველები საარჩევნო უბნებთან გრძელ რიგებზე საუბრობენ როგორც თელ-ავივში, ისე უპირატესად არაბული მოსახლეობით დასახლებულ ქალაქებში.

საარჩევნო უბნები ადგილობრივი დროით 22:00 საათზე დაიხურება. არჩევნების წინასწარი შედეგები 28 ოქტომბერს უნდა გამოქვეყნდეს.