რასაკვირველია, ერთმანეთის მიმართ პრეტენზიები ექნებათ. დაასახელებენ ერთმანეთის გვარებს ადრე თუ გვიან. ეს კოლექტიური ნაცმოძრაობის საერთო ავადმყოფობაა, - განაცხადა პარლამენტის პირველმა ვიცე-სპიკერმა ოპოზიციაზე საუბრისას.

გიორგი ვოლსკი თინა ბოკუჩავას განცხადებას გამოეხმაურა, სადაც ის „ნაცმოძრაობის“ ლიდერებს აკრიტიკებს.

„იმედი აქვთ, რომ გარედან ინსტრუქცია მაინც ექნებათ და როცა საჭიროდ ჩათვლიან შეერთდებიან, როცა საჭიროდ ჩათვლიან - დაიშლებიან. ერთმანეთს აკრიტიკებენ იმის გამო, რომ ესა თუ ის ლიდერი არ არის მოწოდების სიმაღლეზე და საკმარისად ვერ შეარყია ქვეყნის სტაბილურობა“, - აღნიშნა ვოლსკიმ.

„ნაციონალური მოძრაობის“ ყოფილი თავმჯდომარე თინა ბოკუჩავა პარტიის მოქმედ ლიდერებს აკრიტიკებს.