საკონსტიტუციო სასამართლოს სხდომიდან „კოალიცია ცვლილებისთვის“ ერთ-ერთი ლიდერი ნიკა გვარამია გააძევეს. სასამართლოს თავმჯდომარემ რევაზ ნადარაიამ გადაწყვეტილების საფუძვლად „საქართველოს საკონსტიტუციო სასამართლოს შესახებ“ ორგანული კანონის 32-ე მუხლი დაასახელა.

„საკონსტიტუციო სასამართლოს ორგანული კანონის 32-ე მუხლის თანახმად გაძევებული ბრძანდებით, ბატონო ნიკა. გაძევებული ბრძანდებით და რას ნიშნავს გაძევება 32-ე მუხლში წაიკითხეთ“, - მიმართა ნადარაიამ გვარამიას.

გვარამიას გაძევებას დარბაზში ხმაური მოჰყვა. „კოალიცია ცვლილებისთვის“ წარმომადგენელმა მაია კოპალეიშვილმა ნადარაიას უთხრა, რომ, მისი შეფასებით, სასამართლომ გვარამიას გაძევებით დავალება შეასრულა. ამის შემდეგ ნადარაიამ კოპალეიშვილი დარბაზიდან გაძევებით გააფრთხილა.