„ხალხის ძალას“ ფინანსთა მინისტრის პირველმა მოადგილემ სახელმწიფო ბიუჯეტის შესრულების ანგარიში წარუდგინა
სარეკლამო ადგილი - 10
650 x 60
1 03 ივნისი 2025, 18:13
პოლიტიკური ჯგუფ „ხალხის ძალის“ წევრებს საქართველოს ფინანსთა მინისტრის პირველმა მოადგილემ, საპარლამენტო მდივანმა გიორგი კაკაურიძემ, 2024 წლის სახელმწიფო ბიუჯეტის შესრულების ანგარიში წარუდგინა. 

ანგარიშის წარდგენის შემდეგ მედიასთან კომენტარები გაკეთდა. 

„ხალხის ძალის“ საერთაშორისო ურთიერთობების მდივანმა ეკა სეფაშვილმა მედიასთან გასული წლის განმავლობაში დაფიქსირებულ ეკონომიკურ ზრდაზე ისაუბრა. 

მისი თქმით, დაგეგმილთან შედარებით მაღალი ეკონომიკური ზრდის გამო, ბიუჯეტში დამატებით, დაახლოებით, ერთი მილიარდი ლარი აკუმულირდა. 

„დღეს განვიხილეთ 2024 წლის ბიუჯეტის შესრულების ანგარიში. აღსანიშნავია, რომ გასული ერთი წლის განმავლობაში მაღალი ეკონომიკური ზრდა დაფიქსირდა. შენარჩუნებულია სტაბილური მაკროეკონომიკური პარამეტრები. დაგეგმილთან შედარებით მაღალი ეკონომიკური ზრდის გამო, ბიუჯეტში დამატებით, დაახლოებით, ერთი მილიარდი ლარი აკუმულირდა, რამაც საშუალება მოგვცა მთელი რიგი პრიორიტეტული მიმართულებები დაგვეფინანსებინა“, - აღნიშნა ეკა სეფაშვილმა.

ფინანსთა მინისტრის პირველი მოადგილის, გიორგი კაკაურიძის განცხადებითაც, მაღალმა ეკონომიკურმა ზრდამ შესაძლებელი გახადა წლის მეორე ნახევარში ბიუჯეტი შეცვლილიყო.

„გასულ წელს ბიუჯეტი დავგეგმეთ 5.2%-ის რეალური ეკონომიკური ზრდის პროგნოზზე. თუმცა, რეალურად, ეკონომიკური ზრდის ტემპი უფრო მაღალი იყო, ვიდრე ეს თავიდან გვქონდა დაგეგმილი. შესაბამისად, საბოლოო პროგნოზი ეკონომიკური ზრდის იყო 9% ნაცვლად 5.2%-ისა. საგადასახადო შემოსავლებიც გაიზარდა 23 მილიარდ 260 მილიონ ლარამდე, ხოლო მთლიანი შიდა პროდუქტის მაჩვენებელი განისაზღვრა 90.9 მილიარდი ლარის ოდენობით. მაღალმა ეკონომიკურმა ზრდამ მოგვცა შესაძლებლობა წლის მეორე ნახევარში ბიუჯეტი შეგვეცვალა. დაახლოებით 900 მილიონით გავზარდეთ ბიუჯეტის მოცულობა და სახელმწიფო ბიუჯეტის მოცულობამ 26 მილიარდ ლარს მიაღწია“, - განაცხადა გიორგი კაკაურიძემ.
სარეკლამო ადგილი - 11
650 x 60
პრემიერი: რეგიონული თანამშრომლობის გაღრმავება და საქართველოს რეგიონულ ფინანსურ და ტექნოლოგიურ ჰაბად ჩამოყალიბება საქართველოს მთავრობის პრიორიტეტია; თბილისის ფინანსური სამიტი ხელს შეუწყობს რეგიონული თანამშრომლობის კიდევ უფრო გაღრმავებას, ქვეყნის შემდგომ ეკონომიკურ განვითარებას, საინვესტიციო შესაძლებლობების გაფართოებას და შუა დერეფნის ქვეყნებს შორის სავაჭრო ურთიერთობების გაძლიერებას
სავალუტო ფონდი: გეოპოლიტიკური გაურკვევლობის ზრდისა და ენერგომატარებლებზე მაღალი ფასების მიუხედავად, საქართველოს ეკონომიკური მაჩვენებლები კვლავ მყარია, ხოლო ფისკალური და საგარეო ბუფერები კიდევ უფრო გაძლიერდა
მარიამ ქვრივიშვილი: ჩვენი მიზანია, საქართველო იყოს არა მხოლოდ სატრანზიტო ქვეყანა, არამედ რეგიონული ეკონომიკური და ფინანსური კავშირების მნიშვნელოვანი ცენტრი
მსოფლიო ეკონომიკა სამი წნეხის ქვეშ - ენერგეტიკული შოკი, მაღალი პროცენტები და რეკორდული ვალი
ირაკლი კირცხალია გერმანიის ელჩს: ვურჩევდი, ხმამაღალი განცხადებებისას გაითვალისწინოს მის ქვეყანაში მიმდინარე პოლიტიკური მოვლენები. არ დაავიწყდეთ, რას ნიშნავს ევროკავშირი და რა ფასეულობებზე იდგა. ევროკავშირი არ მდგარა იმ ფასეულობებზე, რასაც ჰქვია საუკეთესო ფაშისტური თუ კომუნისტური მმართველობა
არქივი