საკრედიტო სააგენტო „ფიჩმა” (Fitch) საქართველოს სუვერენული რეიტინგი BB დონეზე დაადასტურა და პერსპექტივა „სტაბილურამდე” გააუმჯობესა
სარეკლამო ადგილი - 10
650 x 60
1 22 ნოემბერი 2025, 10:35

საკრედიტო სააგენტო “ფიჩმა” (Fitch) საქართველოს სუვერენული რეიტინგი BB დონეზე დაადასტურა და პერსპექტივა “სტაბილურამდე” გააუმჯობესა.

2025 წლის 21 ნოემბერს, საკრედიტო სააგენტო “ფიჩმა” (Fitch) საქართველოს სუვერენული რეიტინგი BB დონეზე შეაფასა, ხოლო პერსპექტივა ნეგატიურიდან სტაბილურამდე გააუმჯობესა.

დოკუმენტში აღნიშნულია, რომ ბოლო პერიოდში, გაზრდილია საერთაშორისო რეზერვების მოცულობა, ასევე გაუმჯობესებულია ტურიზმიდან მიღებული შემოსავლები და ფულადი გზავნილები.

სააგენტო, ასევე, აღნიშნავს საგარეო მოწყვლადობის შემცირებას, რაც ბოლო წლებში მიმდინარე ანგარიშის დეფიციტის შემცირებას გულისხმობს.

ამასთან, “ფიჩის” შეფასებით, საქართველოს გააჩნია მსგავსი რეიტინგის მქონე ქვეყნებთან შედარებით მაღალი ეკონომიკური განვითარება და 2025-2027 წლებში ელოდება საქართველოში 5%-ზე მაღალ ეკონომიკურ ზრდას, რასაც თან ერთვის ქვეყნის გაუმჯობესებული პროდუქტიულობის დონეც.

სარეიტინგო სააგენტო, ასევე, ხაზს უსვამს ქვეყანაში საჯარო ფინანსების სტაბილურობას, მათ შორის, ბიუჯეტის დეფიციტისა და მთავრობის ვალის შემცირებულ მაჩვენებლებს, გრძელვადიანი ვალის სტაბილური დინამიკით.

სარეიტინგო კომპანია აღნიშნავს, რომ საქართველოს საბანკო სექტორი სტაბილური და მომგებიანია, გააჩნია კაპიტალიზაციის მაღალი დონე და სტაბილურია აქტივების ხარისხი. ამას, თან ერთვის დოლარიზაციის დონის შემცირებაც, რაც ქვეყანაში არსებული მაკროპრუდენციული ღონისძიებების დამსახურებაა.


სარეკლამო ადგილი - 11
650 x 60
პრემიერი: რეგიონული თანამშრომლობის გაღრმავება და საქართველოს რეგიონულ ფინანსურ და ტექნოლოგიურ ჰაბად ჩამოყალიბება საქართველოს მთავრობის პრიორიტეტია; თბილისის ფინანსური სამიტი ხელს შეუწყობს რეგიონული თანამშრომლობის კიდევ უფრო გაღრმავებას, ქვეყნის შემდგომ ეკონომიკურ განვითარებას, საინვესტიციო შესაძლებლობების გაფართოებას და შუა დერეფნის ქვეყნებს შორის სავაჭრო ურთიერთობების გაძლიერებას
სავალუტო ფონდი: გეოპოლიტიკური გაურკვევლობის ზრდისა და ენერგომატარებლებზე მაღალი ფასების მიუხედავად, საქართველოს ეკონომიკური მაჩვენებლები კვლავ მყარია, ხოლო ფისკალური და საგარეო ბუფერები კიდევ უფრო გაძლიერდა
მარიამ ქვრივიშვილი: ჩვენი მიზანია, საქართველო იყოს არა მხოლოდ სატრანზიტო ქვეყანა, არამედ რეგიონული ეკონომიკური და ფინანსური კავშირების მნიშვნელოვანი ცენტრი
მსოფლიო ეკონომიკა სამი წნეხის ქვეშ - ენერგეტიკული შოკი, მაღალი პროცენტები და რეკორდული ვალი
ირაკლი კირცხალია გერმანიის ელჩს: ვურჩევდი, ხმამაღალი განცხადებებისას გაითვალისწინოს მის ქვეყანაში მიმდინარე პოლიტიკური მოვლენები. არ დაავიწყდეთ, რას ნიშნავს ევროკავშირი და რა ფასეულობებზე იდგა. ევროკავშირი არ მდგარა იმ ფასეულობებზე, რასაც ჰქვია საუკეთესო ფაშისტური თუ კომუნისტური მმართველობა
არქივი