დივერსიფიცირებულმა ეკონომიკურმა პოლიტიკამ საქართველოს ეკონომიკური ზრდის პროგნოზი 5.6-დან 7 პროცენტამდე გაიზარდა
სარეკლამო ადგილი - 10
650 x 60
1 22 ნოემბერი 2025, 10:47

მთავრობის სწორი ეკონომიკური პოლიტიკის შედეგი მაღალი ეკონომიკური ზრდა, შემცირებული უმუშევრობა, გამყარებული ლარი, გაზრდილი რეზერვები, ავტორიტეტული სარეიტინგო სააგენტოებისა და წამყვანი საერთაშორისო საფინანსო ინსტიტუტების გაუმჯობესებული შეფასებები და პოზიტიური მოლოდინებია! - ასე ეხმიანება „ბიზნეს ინსაიდერ საქართველოს“ დამფუძნებელი, გიორგი აბაშიშვილი საკრედიტო სააგენტო Fitch-ის მიერ საქართველოს სუვერენული რეიტინგის BB დონეზე დადასტურებას და პერსპექტივის „სტაბილურამდე” გაუმჯობესებას.

მისივე თქმით, პასუხი გაეცა კითხვებზე, რა მოიტანა გრძელვადიანმა მშვიდობამ, სწორმა, განვითარებაზე ორიენტირებულმა და დივერსიფიცირებულმა ეკონომიკურმა პოლიტიკამ, ვინაიდან, საქართველოს ეკონომიკური ზრდის პროგნოზი 5.6 პროცენტიდან 7 პროცენტამდე გაიზარდა. აბაშიშვილი იხსენებს იმასაც, რომ ერთი წლის წინ ოპოზიცია და მის მიერ კონტროლირებადი მედია “საზეიმოდ” პროგნოზირებდა მინუს 2 პროცენტიდან მინუს 3.4 პროცენტიან ეკონომიკურ ვარდნას.

„მთავრობის სწორი ეკონომიკური პოლიტიკის შედეგი მაღალი ეკონომიკური ზრდა, შემცირებული უმუშევრობა, გამყარებული ლარი, გაზრდილი რეზერვები, ავტორიტეტული სარეიტინგო სააგენტოებისა და წამყვანი საერთაშორისო საფინანსო ინსტიტუტების გაუმჯობესებული შეფასებები და პოზიტიური მოლოდინებია!

რა შედეგი მოიტანა გრძელვადიანმა მშვიდობამ? რა შედეგი მოიტანა სწორმა, განვითარებაზე ორიენტირებულმა და დივერსიფიცირებულმა ეკონომიკურმა პოლიტიკამ?

ამ კითხვებს პასუხი სულ რამდენიმე საათის წინ კიდევ ერთხელ გაეცა:

რამდენიმე საათის წინ Fitch-ის განახლებული რეიტინგი გამოქვეყნდა: საქართველოს ეკონომიკური ზრდის პროგნოზი 5.6 პროცენტიდან 7 პროცენტამდე გაიზარდა.

ამასთან:
- სუვერენული რეიტინგი BB დონეზე შენარჩუნდა
- პერსპექტივა ნეგატიურიდან სტაბილურისკენ გაუმჯობესდა

უფრო შორს წავიდეთ:
სულ რამდენიმე დღის წინ, ჩვენ ვნახეთ ევროკომისიის ეკონომიკური ზრდის პროგნოზის გაუმჯობესება 6% - დან 7.3 % - მდე.

გასული 2-3 თვის შუალედში კი საქართველოს ეკონომიკური ზრდის პროგნოზი:
საერთაშორისო სავალუტო ფონდმა (IMF) 6% - დან 7.2% - მდე გაზარდა;
მსოფლიო ბანკმა (WB) - 5.5% -დან 7%-მდე გაზარდა;
აზიის განვითარების ბანკმა (ADB) - 6%-დან 7%-მდე გაზარდა;
ევროპის რეკონსტრუქციისა და განვითარების ბანკმა (EBRD) - 6%-დან 7%-მდე გაზარდა;

აქვე გავიხსენოთ “კლასიკა”: ერთი წლის წინ ოპოზიცია + ოპოზიციური მედია “საზეიმოდ” პროგნოზირებდა მინუს 2 პროცენტიდან მინუს 3.4 პროცენტიან ეკონომიკურ ვარდნას." - წერს აბაშიშვილი სოციალურ ქსელში.

სარეკლამო ადგილი - 11
650 x 60
პრემიერი: რეგიონული თანამშრომლობის გაღრმავება და საქართველოს რეგიონულ ფინანსურ და ტექნოლოგიურ ჰაბად ჩამოყალიბება საქართველოს მთავრობის პრიორიტეტია; თბილისის ფინანსური სამიტი ხელს შეუწყობს რეგიონული თანამშრომლობის კიდევ უფრო გაღრმავებას, ქვეყნის შემდგომ ეკონომიკურ განვითარებას, საინვესტიციო შესაძლებლობების გაფართოებას და შუა დერეფნის ქვეყნებს შორის სავაჭრო ურთიერთობების გაძლიერებას
სავალუტო ფონდი: გეოპოლიტიკური გაურკვევლობის ზრდისა და ენერგომატარებლებზე მაღალი ფასების მიუხედავად, საქართველოს ეკონომიკური მაჩვენებლები კვლავ მყარია, ხოლო ფისკალური და საგარეო ბუფერები კიდევ უფრო გაძლიერდა
მარიამ ქვრივიშვილი: ჩვენი მიზანია, საქართველო იყოს არა მხოლოდ სატრანზიტო ქვეყანა, არამედ რეგიონული ეკონომიკური და ფინანსური კავშირების მნიშვნელოვანი ცენტრი
მსოფლიო ეკონომიკა სამი წნეხის ქვეშ - ენერგეტიკული შოკი, მაღალი პროცენტები და რეკორდული ვალი
ირაკლი კირცხალია გერმანიის ელჩს: ვურჩევდი, ხმამაღალი განცხადებებისას გაითვალისწინოს მის ქვეყანაში მიმდინარე პოლიტიკური მოვლენები. არ დაავიწყდეთ, რას ნიშნავს ევროკავშირი და რა ფასეულობებზე იდგა. ევროკავშირი არ მდგარა იმ ფასეულობებზე, რასაც ჰქვია საუკეთესო ფაშისტური თუ კომუნისტური მმართველობა
არქივი