საქართველოს ეროვნული ბანკი მწვანე სესხების მონაცემების გამოქვეყნებას იწყებს
სარეკლამო ადგილი - 10
650 x 60
1 14 იანვარი 2026, 12:07

მწვანე ფინანსური პროდუქტების შესახებ გამჭვირვალობის, სანდოობისა და ხელმისაწვდომობის გაძლიერების მიზნით, საქართველოს ეროვნული ბანკი მდგრადი დაფინანსების ტაქსონომიასთან შესაბამისი მწვანე სესხების შესახებ მონაცემების საჯაროდ გამოქვეყნებას იწყებს. ინფორმაციას ეროვნული ბანკი ავრცელებს.

ეროვნულმა ბანკმა მდგრადი დაფინანსების ტაქსონომია, სხვადასხვა ადგილობრივი და საერთაშორისო მხარეების ჩართულობით, 2022 წელს გამოაქვეყნა, ხოლო ტაქსონომიის მიხედვით სესხების კლასიფიცირებისა და ანგარიშგების წესი (ტაქსონომიის რეგულაცია) ძალაში 2023 წლის იანვრიდან შევიდა. მას შემდეგ ბანკები ვალდებულნი არიან მწვანე სესხის საერთო განმარტებით იხელმძღვანელონ და ტაქსონომიასთან შესაბამისი მწვანე სესხების შესახებ ყოველთვიური ანგარიშგება ეროვნულ ბანკს წარუდგინონ.

მწვანე სესხების მონაცემთა დაფა ასახავს ტაქსონომიასთან შესაბამის მწვანე სესხებს სექტორების მიხედვით, მათ დინამიკას დროში და საერთო პორტფელის სტრუქტურას. მონაცემები შეგროვებულია მწვანე სესხების თვიური ანგარიშგების ფორმით და სრულად შეესაბამება მდგრადი ფინანსების ტაქსონომიის რეგულაციას.

ეროვნული ბანკის მიერ დანერგილი ტაქსონომია მწვანე ფინანსური პროდუქტების იდენტიფიცირებისა და ანგარიშგებისთვის ერთიან, მკაფიო და სანდო ჩარჩოს ქმნის. ახალი მონაცემთა დაფა მნიშვნელოვნად გაამარტივებს მწვანე სესხებზე ინფორმაციის ხელმისაწვდომობას როგორც ბაზრის მონაწილეებისთვის, ისე საზოგადოებისთვის.

მწვანე სესხების მონაცემთა დაფა მდგრადი დაფინანსების ახალი გზამკვლევის განხორციელების ფარგლებში შეიქმნა და ყოველთვიურად განახლდება.

სარეკლამო ადგილი - 11
650 x 60
პრემიერი: რეგიონული თანამშრომლობის გაღრმავება და საქართველოს რეგიონულ ფინანსურ და ტექნოლოგიურ ჰაბად ჩამოყალიბება საქართველოს მთავრობის პრიორიტეტია; თბილისის ფინანსური სამიტი ხელს შეუწყობს რეგიონული თანამშრომლობის კიდევ უფრო გაღრმავებას, ქვეყნის შემდგომ ეკონომიკურ განვითარებას, საინვესტიციო შესაძლებლობების გაფართოებას და შუა დერეფნის ქვეყნებს შორის სავაჭრო ურთიერთობების გაძლიერებას
სავალუტო ფონდი: გეოპოლიტიკური გაურკვევლობის ზრდისა და ენერგომატარებლებზე მაღალი ფასების მიუხედავად, საქართველოს ეკონომიკური მაჩვენებლები კვლავ მყარია, ხოლო ფისკალური და საგარეო ბუფერები კიდევ უფრო გაძლიერდა
მარიამ ქვრივიშვილი: ჩვენი მიზანია, საქართველო იყოს არა მხოლოდ სატრანზიტო ქვეყანა, არამედ რეგიონული ეკონომიკური და ფინანსური კავშირების მნიშვნელოვანი ცენტრი
მსოფლიო ეკონომიკა სამი წნეხის ქვეშ - ენერგეტიკული შოკი, მაღალი პროცენტები და რეკორდული ვალი
ირაკლი კირცხალია გერმანიის ელჩს: ვურჩევდი, ხმამაღალი განცხადებებისას გაითვალისწინოს მის ქვეყანაში მიმდინარე პოლიტიკური მოვლენები. არ დაავიწყდეთ, რას ნიშნავს ევროკავშირი და რა ფასეულობებზე იდგა. ევროკავშირი არ მდგარა იმ ფასეულობებზე, რასაც ჰქვია საუკეთესო ფაშისტური თუ კომუნისტური მმართველობა
არქივი