ცინცაძე: მარტში ექსპორტის მოცულობამ 697 მილიონ დოლარს გადააჭარბა, რაც რეკორდული მაჩვენებელია. ველოდებით, რომ საქართველოს ექნება იმაზე გაცილებით მაღალი ეკონომიკური ზრდა, ვიდრე საერთაშორისო საფინანსო ინსტიტუტები პროგნოზირებენ
სარეკლამო ადგილი - 10
650 x 60
1 14 აპრილი 2026, 13:25

საგარეო ვაჭრობის მიმდინარე მაჩვენებლები კიდევ ერთხელ მიუთითებს ქვეყანაში ეკონომიკური აქტივობის ზრდაზე, რაც საბოლოო ჯამში პოზიტიურად აისახება ეკონომიკური ზრდის მაჩვენებლებზე, - განაცხადა საქართველოს ეკონომიკისა და მდგრადი განვითარების მინისტრის მოადგილე ვახტანგ ცინცაძემ.

მისივე თქმით, მარტის თვის ჭრილში, მიმდინარე წელს ექსპორტის რეკორდული მოცულობა დაფიქსირდა.

„მარტში ექსპორტის მნიშვნელოვანი ზრდა დაფიქსირდა და ექსპორტის მოცულობამ 697 მილიონ აშშ დოლარს გადააჭარბა, რაც მარტის თვისთვის რეკორდული მაჩვენებელია. ასევე აღსანიშნავია, რომ იანვარ-მარტის მონაცემებიც რეკორდულია და კერძოდ, ექსპორტის დაახლოებით 23%-იანი ზრდა ფიქსირდება, ხოლო ექსპორტის ღირებულება 1 მილიარდ 700 მილიონ აშშ დოლარს აჭარბებს“, - განმარტავს ვახტანგ ცინცაძე.

მინისტრის მოადგილის შეფასებით, ეს მაჩვენებლები კი ქვეყანაში ეკონომიკური აქტივობის მნიშვნელოვან ზრდასა და მაღალი ეკონომიკური ზრდის მოლოდინზე მიუთითებს.

„აღნიშნული მაჩვენებლები კიდევ ერთხელ მიუთითებს ქვეყანაში ეკონომიკური აქტივობის ზრდაზე, რაც საბოლოო ჯამში პოზიტიურად აისახება ეკონომიკური ზრდის მაჩვენებლებზე. ჩვენ ველოდებით, რომ ის მაჩვენებლები, რომელიც საქართველოს ეკონომიკაში ეკონომიკური ზრდის კუთხით ფიქსირდება იანვარ-თებერვლის მდგომარეობით, გაგრძელდება მომდევნო თვეებშიც და საქართველოს ექნება მაღალი ეკონომიკური ზრდა, იმაზე გაცილებით უფრო მაღალი, ვიდრე ამას სხვადასხვა საერთაშორისო საფინანსო ინსტიტუტები პროგნოზირებენ“, - აცხადებს ვახტანგ ცინცაძე.

აღსანიშნავია, რომ 2026 წლის მარტში ქვეყნის სავაჭრო ბრუნვამ 2,284.4 მლნ. აშშ დოლარი შეადგინა, რაც წინა წლის შესაბამის პერიოდთან შედარებით 9.7%-ით მეტია. ამავე წლის იანვარ-მარტში ქვეყნის სავაჭრო ბრუნვა 0.1%-ით გაიზარდა და 5,862.1 მლნ. აშშ. დოლარს მიაღწია.

სარეკლამო ადგილი - 11
650 x 60
პრემიერი: რეგიონული თანამშრომლობის გაღრმავება და საქართველოს რეგიონულ ფინანსურ და ტექნოლოგიურ ჰაბად ჩამოყალიბება საქართველოს მთავრობის პრიორიტეტია; თბილისის ფინანსური სამიტი ხელს შეუწყობს რეგიონული თანამშრომლობის კიდევ უფრო გაღრმავებას, ქვეყნის შემდგომ ეკონომიკურ განვითარებას, საინვესტიციო შესაძლებლობების გაფართოებას და შუა დერეფნის ქვეყნებს შორის სავაჭრო ურთიერთობების გაძლიერებას
სავალუტო ფონდი: გეოპოლიტიკური გაურკვევლობის ზრდისა და ენერგომატარებლებზე მაღალი ფასების მიუხედავად, საქართველოს ეკონომიკური მაჩვენებლები კვლავ მყარია, ხოლო ფისკალური და საგარეო ბუფერები კიდევ უფრო გაძლიერდა
მარიამ ქვრივიშვილი: ჩვენი მიზანია, საქართველო იყოს არა მხოლოდ სატრანზიტო ქვეყანა, არამედ რეგიონული ეკონომიკური და ფინანსური კავშირების მნიშვნელოვანი ცენტრი
მსოფლიო ეკონომიკა სამი წნეხის ქვეშ - ენერგეტიკული შოკი, მაღალი პროცენტები და რეკორდული ვალი
ირაკლი კირცხალია გერმანიის ელჩს: ვურჩევდი, ხმამაღალი განცხადებებისას გაითვალისწინოს მის ქვეყანაში მიმდინარე პოლიტიკური მოვლენები. არ დაავიწყდეთ, რას ნიშნავს ევროკავშირი და რა ფასეულობებზე იდგა. ევროკავშირი არ მდგარა იმ ფასეულობებზე, რასაც ჰქვია საუკეთესო ფაშისტური თუ კომუნისტური მმართველობა
არქივი