საფრანგეთის სენატმა დემოკრატიულ ცხოვრებაში უცხოური ჩარევის წინააღმდეგ ბრძოლის შესახებ კანონპროექტი მიიღო, რომელიც ონლაინ სივრცეში განზრახ და მასობრივად გავრცელებული ყალბი ან შეცდომაში შემყვანი ინფორმაციის წინააღმდეგ სასამართლოს ჩარევის შესაძლებლობას ითვალისწინებს
სარეკლამო ადგილი - 10
650 x 60
1 20 ოქტომბერი 2026, 23:11

საფრანგეთის სენატმა ხმათა უმრავლესობით დემოკრატიულ ცხოვრებაში უცხოური ჩარევის წინააღმდეგ ბრძოლის შესახებ კანონპროექტი მიიღო. ინფორმაციას საფრანგეთის საკანონმდებლო ორგანო ავრცელებს.


კანონპროექტს მხარი 340-მა დეპუტატმა დაუჭირა.


ახალი ინიციატივა ონლაინ სივრცეში განზრახ და მასობრივად გავრცელებული ყალბი ან შეცდომაში შემყვანი ინფორმაციის წინააღმდეგ სასამართლოს ჩარევის შესაძლებლობას ითვალისწინებს. დოკუმენტი ასევე მოიცავს საარჩევნო პერიოდში დეზინფორმაციის გავრცელების შეზღუდვის მექანიზმებს და საარჩევნო პროცესზე ზემოქმედებასთან დაკავშირებული ზოგიერთი დანაშაულისთვის სასჯელის გამკაცრებას.

კანონპროექტი საფრანგეთის სენატში 2026 წლის 22 ივლისს შევიდა.


კანონპროექტის თანახმად, სასამართლოს შეეძლება შესაბამისი ზომების მიღება იმ შემთხვევებში, როდესაც ინტერნეტით განზრახ, მასობრივად და ხელოვნური ან ავტომატიზებული მეთოდებით გავრცელებული აშკარად მცდარი ან შეცდომაში შემყვანი ცნობები საფრანგეთის დამოუკიდებლობას, ტერიტორიულ მთლიანობას, უსაფრთხოებას, თავდაცვისა და დიპლომატიის შესაძლებლობებს ან სახელმწიფო ინსტიტუტების ნორმალურ ფუნქციონირებას სერიოზულ და უშუალო საფრთხეს უქმნის.


კანონპროექტი ასევე ითვალისწინებს ცვლილებას საარჩევნო კოდექსის იმ მუხლში, რომელიც ამომრჩეველთა შეცდომაში შეყვანასთან დაკავშირებულ პასუხისმგებლობას ეხება. კერძოდ, შესაბამისი დანაშაულისთვის თავისუფლების აღკვეთის მაქსიმალური ვადის ერთი წლიდან სამ წლამდე, ხოლო ჯარიმის ოდენობის 15 000 ევროდან 45 000 ევრომდე გაზრდაა გათვალისწინებული.


სარეკლამო ადგილი - 11
650 x 60
დონალდ ტრამპი – პუტინს ვკითხე, შეიჭრებოდა თუ არა უკრაინაში, მე რომ ვყოფილიყავი მაშინ აშშ-ის პრეზიდენტი, მან მიპასუხა, რომ ეს არასოდეს მოხდებოდა
შაკო კუჭაშვილი ნიკო მანაგაძეზე: საკუთარი დედის უარმყოფელი პავლიკა მოროზოვი რა დღეშია, ხედავთ?!
გურამ მაჭარაშვილი: ვითომ პოლიტიკოსები, არასამთავრობო სექტორი ის ხალხია, ვინც ყველაფერს ეძებენ, რათა პოლიტიკური სარგებელი ნახონ, საზოგადოება ყველაფერს ხვდება
ბიძინა გიორგობიანი: 2008 წელს ბორჯომში ტყე რომ დაწვეს რუსულმა ბომბდამშენებმა, ხაზარაძემ თქვა 10 ჰექტარს მე აღვადგენ ჩემი ფულითო, აბა ჩავიდეთ 18 წლის შემდეგ, 10 ხე თუ დარგო ვინმემ
ნინო წილოსანი ევროკავშირის ახალი წევრებისთვის 10-წლიანი გამოსაცდელი ვადის დაწესებაზე: ბრიუსელის ასეთი დამოკიდებულება დამამცირებელია ახალი წევრების მიმართ
არქივი