არჩილ გორდულაძე - მიხეილ სააკაშვილმა რომ გამოაცხადა ნულოვანი ტოლერანტობა და შესაბამისი ცვლილებები, რომელიც მიიღო საქართველოს პარლამენტმა მაშინ, ჩვენი გადმოსახედიდან, რა თქმა უნდა, არის და იყო ადამიანის უფლებების სტანდარტის ელემენტარული დაცვის უდაბლეს დონეზე ჩამოტანა
სარეკლამო ადგილი - 10
650 x 60
1 19 ნოემბერი 2026, 20:36

სასამართლო სისტემის დამოუკიდებლობა არის უზრუნველყოფილი, რაც გარანტირებულია „ქართული ოცნების“ მიერ მიღებული საკანონმდებლო ცვლილებებით, იქნება ეს საქართველოს კონსტიტუციაში შესაბამისი ცვლილებების შეტანა, ორგანულ კანონში ცვლილებების შეტანა თუ არაერთი კანონმდებლობით გათვალისწინებული, - განაცხადა საპარლამენტო უმრავლესობის წარმომადგენელმა, არჩილ გორდულაძემ, საკონსტიტუციო სასამართლოს სხდომაზე.

მისივე შეფასებით, სააკაშვილის მიერ გამოცხადებული „ნულოვანი ტოლერანტობა“ და დანაშაულის შეკრებითობა იყო ადამიანის უფლებების დონის დაბალ ნიშნულზე ჩამოტანა.

როგორც გორდულაძემ აღნიშნა, სასამართლო სისტემა თვისებრივად გაჯანსაღდა, დამოუკიდებელია და მისი ხელშეუხებლობა „ქართული ოცნების“ მიერ მიღებული საკანონმდებლო და საკნონსტიტუციო ცვლილებების შედეგად გარანტირებულია.

ამავდროულად, „ნაციონალური მოძრაობის“ დროს, მაგალითად მიხეილ სააკაშვილმა რომ გამოაცხადა ნულოვანი ტოლერანტობა და შესაბამისი ცვლილებები, რომელიც მიიღო საქართველოს პარლამენტმა მაშინ და ის, მაგალითად, რაც იყო შეკრებითობა, აპრიორი შეკრებითობა, ყველაფერზე რომ ითხოვდა, რასაც ბატონი ლევან ბეჟაშვილი ცდილობდა როგორმე პასუხი გაეცა - ჩვენი გადმოსახედიდან, რა თქმა უნდა, არის და იყო ადამიანის უფლებების სტანდარტის ელემენტარული დაცვის უდაბლეს დონეზე ჩამოტანა. რა სტანდარტებიც არსებობდა, მაგალითად, სასამართლოს მიერ გადაწყვეტილების მისაღებად, ეს იყო დაბალი სტანდარტი ძალიან. ამავდროულად, ხშირ შემთხვევაში იყო, მიიღებოდა ისეთი გადაწყვეტილებები საგამოძიებო ორგანოების კონკრეტული წარმომადგენლების მხრიდან წარმოებული არასწორი გამოძიების გამო, რასთან დაკავშირებითაც, სტრასბურგის სასამართლოს არაერთი გადაწყვეტილება არსებობს. ამავდროულად, ზუსტად ამიტომ არის ის, რომ გარკვეულ შემთხვევებში არ არიან სამწუხაროდ კონკრეტული პირები იდენტიფიცირებული და მსჯავრდებული კონკრეტულ დანაშაულში და ამასთან დაკავშირებით სტრასბურგის სასამართლოს აქვს შესაბამისი გადაწყვეტილებები მიღებული. სასამართლო სისტემა თვისებრივად გაჯანსაღდა, არის დამოუკიდებელი, მისი ხელშეუხებლობა, საკუთარი თავის ფორმირება დამოუკიდებელი შტოს მხრიდან - ეს არის გარანტირებული „ქართული ოცნების“, ჩვენი ხელისუფლების მიერ მიღებული კანონების და მათ შორის საკონსტიტუციო ცვლილებების მეშვეობით“, - განაცხადა გორდულაძემ.

სარეკლამო ადგილი - 11
650 x 60
ჯანდაცვის მინისტრის ინფორმაციით, განსაკუთრებით მძიმეა იმ ადამიანის ჯანმრთელობის მდგომარეობა, რომლის ბინაშიც აფეთქება მოხდა
აზერბაიჯანის საგარეო საქმეთა სამინისტრო: ღრმა მწუხარებას გამოვთქვამთ თბილისში, საცხოვრებელ კორპუსში მომხდარი ტრაგიკული აფეთქების გამო
დონალდ ტრამპი აცხადებს, რომ ვოლოდიმირ ზელენსკის მონაწილეობის გარეშე უკრაინასთან დაკავშირებით გადაწყვეტილებებს არ მიიღებს
ფონიჭალაში, კორპუსის ნანგრევებიდან მაშველებმა მამაკაცის ცხედარი ამოასვენეს
საახალწლო ილუმინაციების მონტაჟის გამო 20 ნოემბერს დედაქალაქის რამდენიმე ქუჩაზე მოძრაობა შეიზღუდება
არქივი