ქართული პროდუქციის ექსპორტის გაზრდის მიზნით თურქული მხარე საქართველოში საექსპერტო ჯგუფებს გამოგზავნის
სარეკლამო ადგილი - 10
650 x 60
1 20 ნოემბერი 2019, 18:18

თურქეთში ვიზიტის ფარგლებში, ეკონომიკისა და მდგრადი განვითარების მინისტრი ნათია თურნავა თურქეთის ვაჭრობის მინისტრს რუსარ ფექჩანს შეხვდა, მხარეებმა ორმხრივი სავაჭრო – ეკონომიკური ურთიერთობები და სამომავლო თანამშრომლობის ახალი შესაძლებლობები განიხილეს.

აღსანიშნავია, რომ საქართველოს ეკონომიკისა და მდგრადი განვითარების მინისტრის ვიზიტი, აგრეთვე შერეული ქართულ-თურქული ეკონომიკური კომისიის სხდომა საქართველოს პრემიერ-მინისტრის გიორგი გახარიას თურქეთში ოფიციალური ვიზიტის იმ შეთანხმების ფარგლებში განხორციელდა, რომელიც საქართველოსა და თურქეთის ლიდერებს შორის შედგა.

შეხვედრაზე აღინიშნა, რომ თურქეთი საქართველოს უმსხვილესი სავაჭრო პარტნიორია, თუმცა დღეს არსებული შეთანხმება თავისუფალი ვაჭრობის შესახებ აღარ პასუხობს იმ შესაძლებლობებსა და გამოწვევებს, რომლებიც არსებობს ქვეყნებს შორის. ითქვა, რომ აღნიშნულ შეთანხმებაში ცვლილებების შეტანის შესახებ დაწყებული მოლაპარაკების წარმატებით დასრულება ხელს შეუწყობს ორმხრივი ვაჭრობის განვითარებას და თურქეთის ბაზარზე ქართული ექსპორტის მოცულობას გაზრდის.

შეხვედრაზე მხარეებმა აღნიშნეს, რომ უახლოეს პერიოდში საქართველოს, თურქეთსა და ევროკავშირს შორის დიაგონალური კუმულაციის შესახებ შეთანხმების ოქმის შიდა პროცედურების დასრულება თურქეთის მხრიდან დამატებით შესაძლებლობას გაუხსნის თურქეთისა და საქართველოს ბიზნესებს, რათა გაზარდონ ერთობლივი ექსპორტი ევროკავშირის ბაზარზე. აღნიშნული დოკუმენტი შეეხება საქართველოში თურქულ ნედლეულზე დამზადებულ პროდუქციის გატანას ევროკავშირის ბაზარზე თავისუფალი სავაჭრო რეჟიმით.

ნათია თურნავას განცხადებით, აღნიშნული შეთანხმება გაზრდის იმ პროდუქციის ასორტიმენტს, რომელთა გატანაც ევროკავშირში იქნება შესაძლებელი და რომლის მიხედვითაც მოგებული დარჩება როგორც საქართველოს, ისე თურქეთის ბიზნესი. მისი თქმით, შეთანხმების ამოქმედება წაახალისებს თურქეთიდან ინვესტიციებს საქართველოს ეკონომიკაში, ხელს შეუწყობს ერთობლივი კომპანიების ჩამოყალიბებას და ახალი სამუშაო ადგილების შექმნას.

შეხვედრაზე მხარეები შეთანხმდნენ, რომ წლის ბოლომდე თურქეთში ქართული პროდუქციის ექსპორტის გაზრდის მიზნით თურქული მხარე საქართველოში საექსპერტო ჯგუფებს მოავლენს. საუბარია ცხოველური წარმოშობის პროდუქციის ექსპორტზე თურქეთში.

შეხვედრის შემდეგ მინისტრებმა მონაწილეობა მიიღეს შერეული ეკონომიკური კომისიის სხდომაში და კომისიის სხდომის ოქმს ხელი მოაწერეს.

სარეკლამო ადგილი - 11
650 x 60
პრემიერი: რეგიონული თანამშრომლობის გაღრმავება და საქართველოს რეგიონულ ფინანსურ და ტექნოლოგიურ ჰაბად ჩამოყალიბება საქართველოს მთავრობის პრიორიტეტია; თბილისის ფინანსური სამიტი ხელს შეუწყობს რეგიონული თანამშრომლობის კიდევ უფრო გაღრმავებას, ქვეყნის შემდგომ ეკონომიკურ განვითარებას, საინვესტიციო შესაძლებლობების გაფართოებას და შუა დერეფნის ქვეყნებს შორის სავაჭრო ურთიერთობების გაძლიერებას
სავალუტო ფონდი: გეოპოლიტიკური გაურკვევლობის ზრდისა და ენერგომატარებლებზე მაღალი ფასების მიუხედავად, საქართველოს ეკონომიკური მაჩვენებლები კვლავ მყარია, ხოლო ფისკალური და საგარეო ბუფერები კიდევ უფრო გაძლიერდა
მარიამ ქვრივიშვილი: ჩვენი მიზანია, საქართველო იყოს არა მხოლოდ სატრანზიტო ქვეყანა, არამედ რეგიონული ეკონომიკური და ფინანსური კავშირების მნიშვნელოვანი ცენტრი
მსოფლიო ეკონომიკა სამი წნეხის ქვეშ - ენერგეტიკული შოკი, მაღალი პროცენტები და რეკორდული ვალი
ირაკლი კირცხალია გერმანიის ელჩს: ვურჩევდი, ხმამაღალი განცხადებებისას გაითვალისწინოს მის ქვეყანაში მიმდინარე პოლიტიკური მოვლენები. არ დაავიწყდეთ, რას ნიშნავს ევროკავშირი და რა ფასეულობებზე იდგა. ევროკავშირი არ მდგარა იმ ფასეულობებზე, რასაც ჰქვია საუკეთესო ფაშისტური თუ კომუნისტური მმართველობა
არქივი