მსოფლიო ბანკის ანგარიში - ისტორიული მაქსიმუმი რეიტინგში - გურამ ნიკოლაშვილი „დღის ქრონიკა“
სარეკლამო ადგილი - 10
650 x 60
1 02 ოქტომბერი 2019, 18:56
„მსოფლიო ბანკის ანგარიში წარმოადგენს კომპლექსურ დოკუმენტს, რომელიც ეფუძნება 33 გლობალურ რეიტინგსა და შეფასებას. სწორედ ეს რეიტინგია ინვესტორებისთვის გადაწყვეტილების მიღების უმნიშვნელოვანესი წყარო“ - განაცხადა საჯარო პოლიტიკის სპეციალისტმა გურამ ნიკოლაშვილმა ტვ „იმედის“ „დღის ქრონიკაში.
მისი თქმით, მიუხედავად წარმოდგენილი პროგრესისა, ოპოზიცია მაინც სკეპტიკურად უდგება მსოფლიო ბანკის მაჩვენებლებს.
„მათი სკეფსისი გასაგებია, რადგან ისეთი პარამეტრების გაუმჯობესება, რომელიც სახელმწიფო მმართველობის ინდექსს და სურათს აუმჯობესებს, არ ჯდება ოპოზიციის აპოკალიპტურ ნარატივში, როდესაც ხელისუფლებას უნიათობას აბრალებენ, ხოლო პარტიულ რგოლებს სახელმწიფოს მიტაცებას“ - ამბობს გურამ ნიკოლაშვილი
გადაცემის წამყვანის თქმით, ოპოზიციას უჭირს წარმოადგინოს პოლიტიკური მოქმედების კონსტრუქციული გეგმა, როდესაც საქმე ევროპის ოცეულში შემავალ სახელმწიფოს ეხება. მით უმეტეს რთულია ამ მაჩვენებლებზე საუბარი იმ პოლიტიკური ძალებისთვის, რომლებსაც 10 წლის წინ კატასტროფული ვითარება ჰქონდათ აღნიშნულ ინდექსში.
„ყველაზე დაბალი მაჩვენებელი საქართველოს პოლიტიკური სტაბილურობის მხრივ აქვს. მიუხედავად იმისა, რომ უკანასკნელი 10 წლის ჭრილში მაჩვენებელი გაზრდილია და მთლიანად მსოფლიოში ეს პარამეტრი გაუარესებულია, საქართველოს პოზიცია ამ კუთხით უფრო მეტადაა გასაუმჯობესებელი. მომავალ წელს წინასაარჩევნო პერიოდის მშვიდ გარემოში ჩატარება მნიშვნელოვნად აისახება საქართველოს რეიტინგზე“ - აცხადებს გურამ ნიკოლაშვილი.


მისი თქმით, 1 ოქტომბერს გამოქვეყნებულ მსოფლიო ბანკის რეიტინგში სახელწოდებით - „მსოფლიო მმართველობის ინდიკატორები“, რომელიც კვლევის ახალ შედეგებს ასახავს, მსოფლიოს 214 და მსოფლიო ბანკის წევრი 186 ქვეყნის მონაცემებია შესული. ინდიკატორი სახელმწიფოებს 6 ძირითადი მიმართულებით აფასებს, სამ მათგანში საქართველომ ისტორიულად საუკეთესო მონაცემი აჩვენა.
„კორუფციის წინააღმდეგ ბრძოლის კუთხით საქართველო ევროპის საუკეთესო ოცეულში მოხვდა და გაუსწრო ისეთ ქვეყნებს, როგორებიცაა პოლონეთი, ჩეხეთი, სლოვაკეთი, ხორვატია, ლიტვა, ლატვია და ასე შემდეგ. პოსტსაბჭოთა სივრციდან ამ პარამეტრით მხოლოდ ესტონეთს ჩამოვრჩით.
ქვეყანამ ასევე ხელისუფლების ეფექტიანობის ინდიკატორში გაიუმჯობესა შედეგები, სადაც სახელმწიფო სერვისების ეფექტურობა, საჯარო სამსახურის ხარისხი და პოლიტიკური დამოუკიდებლობა ფასდება. საინტერესოა წინსვლა ისეთ მაჩვენებელშიც, რომელსაც “რეგულირების ხარისხი“ ეწოდება. აქ ფასდება სახელმწიფოს მიერ კერძო სექტორისთვის განხორციელებული რეფორმების ეფექტურობა. აღნიშნული პარამეტრითაც საქართველო ოცეულში მოხვდა. მსოფლიო ბანკის ანგარიშს იუსტიციის მინისტრმა თეა წულუკიანმა სპეციალური ბრიფინგი მიუძღვნა.
ყველაზე დაბალი მაჩვენებელი საქართველოს პოლიტიკური სტაბილურობის მხრივ აქვს. მიუხედავად იმისა, რომ უკანასკნელი 10 წლის ჭრილში მაჩვენებელი გაზრდილია და მთლიანად მსოფლიოში ეს პარამეტრი გაუარესებულია, საქართველოს პოზიცია ამ კუთხით უფრო მეტადაა გასაუმჯობესებელი. მომავალ წელს წინასაარჩევნო პერიოდის მშვიდ გარემოში ჩატარება მნიშვნელოვნად აისახება საქართველოს რეიტინგზე“ - განაცხადა გურამ ნიკოლაშვილმა.
სარეკლამო ადგილი - 11
650 x 60
პრემიერი: რეგიონული თანამშრომლობის გაღრმავება და საქართველოს რეგიონულ ფინანსურ და ტექნოლოგიურ ჰაბად ჩამოყალიბება საქართველოს მთავრობის პრიორიტეტია; თბილისის ფინანსური სამიტი ხელს შეუწყობს რეგიონული თანამშრომლობის კიდევ უფრო გაღრმავებას, ქვეყნის შემდგომ ეკონომიკურ განვითარებას, საინვესტიციო შესაძლებლობების გაფართოებას და შუა დერეფნის ქვეყნებს შორის სავაჭრო ურთიერთობების გაძლიერებას
სავალუტო ფონდი: გეოპოლიტიკური გაურკვევლობის ზრდისა და ენერგომატარებლებზე მაღალი ფასების მიუხედავად, საქართველოს ეკონომიკური მაჩვენებლები კვლავ მყარია, ხოლო ფისკალური და საგარეო ბუფერები კიდევ უფრო გაძლიერდა
მარიამ ქვრივიშვილი: ჩვენი მიზანია, საქართველო იყოს არა მხოლოდ სატრანზიტო ქვეყანა, არამედ რეგიონული ეკონომიკური და ფინანსური კავშირების მნიშვნელოვანი ცენტრი
მსოფლიო ეკონომიკა სამი წნეხის ქვეშ - ენერგეტიკული შოკი, მაღალი პროცენტები და რეკორდული ვალი
ირაკლი კირცხალია გერმანიის ელჩს: ვურჩევდი, ხმამაღალი განცხადებებისას გაითვალისწინოს მის ქვეყანაში მიმდინარე პოლიტიკური მოვლენები. არ დაავიწყდეთ, რას ნიშნავს ევროკავშირი და რა ფასეულობებზე იდგა. ევროკავშირი არ მდგარა იმ ფასეულობებზე, რასაც ჰქვია საუკეთესო ფაშისტური თუ კომუნისტური მმართველობა
არქივი