„მსოფლიო ეკონომიკური თავისუფლების“ რეიტინგში საქართველოს დაწინაურება ინვესტორებისთვის კარგი სიგნალია
სარეკლამო ადგილი - 10
650 x 60
1 14 სექტემბერი 2021, 19:43
ისეთ კვლევებს, როგორიცაა „მსოფლიო ეკონომიკური თავისუფლების“ რეიტინგი, ძალიან ენდობიან საერთაშორისო ორგანიზაციები, ინვესტორები და ამ რეიტინგში დაწინაურება არის კარგი გზავნილი, კარგი სიგნალი ინვესტორებისთვის, - ამის შესახებ ეკონომიკურ მეცნიერებათა დოქტორმა, ეკონომიკის ექსპერტმა ვლადიმერ პაპავამ „ფრეიზერის ინსტიტუტის“ 2021 წლის  „მსოფლიო ეკონომიკური თავისუფლების“ რეიტინგში საქართველოს დაწინაურებაზე  შეფასებისას განაცხადა. 

მისი თქმით,  ფრეიზერის ინსტიტუტის ეს კვლევა ეფუძნება ძალიან ბევრ პარამეტრს, მათ შორის ისეთს როგორიცაა მთავრობის ზომა, საგადასახადო ტვირთი, სასამართლოს დამოუკიდებლობა და მთელი რიგი პარამეტრებით ხდება საბოლოო შეფასების ჩამოყალიბება. 

„ამიტომ რა თქმა უნდა, ეს არ არის მხოლოდ ერთი პარამეტრი, რომელითაც შეიძლება ვთქვათ, რომ საქართველოში ყველა პრობლემა მოხსნილია. მაგრამ ის, რომ ეს არის კარგი გზავნილი, კარგი სიგნალი ინვესტორებისთვის, ფაქტია.  ასევე ძალიან დიდი მნიშვნელობა აქვს, რომ წლიდან წლამდე, როცა ასეთი ტიპის გამოკითხვებზე დაფუძნებული პარამეტრები ქვეყნდება, გვქონდეს სტაბილური წინსვლა და ეს არის რა თქმა უნდა, დღევანდელი ხელისუფლების დამსახურება“, - განაცხადა ლადო პაპავამ. 

„ფრეიზერის ინსტიტუტის“ 2021 წლის  „მსოფლიო ეკონომიკური თავისუფლების“ რეიტინგში საქართველო სამი პოზიციით დაწინაურდა და მერვედან მეხუთე პოზიციაზე გადაინაცვლა  8.26 ქულით. რეიტინგი ქვეყნებს ხუთი ძირითადი ინდიკატორით აფასებს. წელს საქართველომ გასულ წელთან შედარებით, 5-დან 3 ინდიკატორში გაიუმჯობესა მდგომარეობა: „მთავრობის ზომა“; „სამართლებრივი სისტემისა და საკუთრების უფლებების დაცვა“ და „საერთაშორისო ვაჭრობის თავისუფლება“.
სარეკლამო ადგილი - 11
650 x 60
პრემიერი: რეგიონული თანამშრომლობის გაღრმავება და საქართველოს რეგიონულ ფინანსურ და ტექნოლოგიურ ჰაბად ჩამოყალიბება საქართველოს მთავრობის პრიორიტეტია; თბილისის ფინანსური სამიტი ხელს შეუწყობს რეგიონული თანამშრომლობის კიდევ უფრო გაღრმავებას, ქვეყნის შემდგომ ეკონომიკურ განვითარებას, საინვესტიციო შესაძლებლობების გაფართოებას და შუა დერეფნის ქვეყნებს შორის სავაჭრო ურთიერთობების გაძლიერებას
სავალუტო ფონდი: გეოპოლიტიკური გაურკვევლობის ზრდისა და ენერგომატარებლებზე მაღალი ფასების მიუხედავად, საქართველოს ეკონომიკური მაჩვენებლები კვლავ მყარია, ხოლო ფისკალური და საგარეო ბუფერები კიდევ უფრო გაძლიერდა
მარიამ ქვრივიშვილი: ჩვენი მიზანია, საქართველო იყოს არა მხოლოდ სატრანზიტო ქვეყანა, არამედ რეგიონული ეკონომიკური და ფინანსური კავშირების მნიშვნელოვანი ცენტრი
მსოფლიო ეკონომიკა სამი წნეხის ქვეშ - ენერგეტიკული შოკი, მაღალი პროცენტები და რეკორდული ვალი
ირაკლი კირცხალია გერმანიის ელჩს: ვურჩევდი, ხმამაღალი განცხადებებისას გაითვალისწინოს მის ქვეყანაში მიმდინარე პოლიტიკური მოვლენები. არ დაავიწყდეთ, რას ნიშნავს ევროკავშირი და რა ფასეულობებზე იდგა. ევროკავშირი არ მდგარა იმ ფასეულობებზე, რასაც ჰქვია საუკეთესო ფაშისტური თუ კომუნისტური მმართველობა
არქივი