შვეიცარიული კომპანია „კამილ ბლოში“ საქართველოში თხილის პლანტაციებს გააშენებს
სარეკლამო ადგილი - 10
650 x 60
1 23 იანვარი 2020, 17:12

შოკოლადის მწარმოებელი ცნობილი შვეიცარიული კომპანია „კამილ ბლოში“ (Camille Bloch)  საქართველოში თხილის პლანტაციებს გააშენებს, ქართულ თხილს კი პროდუქტ „რაგუსას“ წარმოებაში გამოიყენებს, – საინვესტიციო პროექტის განხორციელების დეტალებზე საქართველოს პრემიერ-მინისტრმა გიორგი გახარიამ და კომპანიის აღმასრულებელმა დირექტორმა დანიელ ბლოხმა დავოსში გამართული შეხვედრისას ისაუბრეს.

„კამილ ბლოშიმა“ უკვე დაარეგისტრირა კომპანია საქართველოში და მოიძია 651 ჰექტრამდე მიწის ნაკვეთის ლაგოდეხის მუნიციპალიტეტში. აღსანიშნავია, რომ კომპანიის მიზანია თხილის კულტივაცია ახალი ტექნოლოგიის გამოყენებით განახორციელოს, რასაც, კომპანიის ცნობით, გაზრდილი პროდუქტიულობა, მცენარის გამძლეობისა და მოსავლიანობის ზრდა მოჰყვება. ინვესტიციის ფარგლებში კომპანია 40-მდე ადამიანის დასაქმებას გეგმავს, ასევე აპირებს დასაქმებულთა გადამზადებას.

პრემიერმა აღნიშნა, რომ მთავრობა მზად არის, მხარი დაუჭიროს საქართველოში კომპანიის წარმომადგენლობის ან საწარმოს გახსნას, რაც ხელს შეუწყობს სოფლის მეურნეობის სექტორში მაღალტექნოლოგიური წარმოების განვითარებას.

კომპანიის აღმასრულებელმა დირექტორმა დანიელ ბლოხმა აღნიშნა, საქართველოს პრემიერ-მინისტრთა მნიშვნელოვანი საუბარი ჰქონდა.

„შეხვედრა მოკლე იყო, თუმცა მთავრობის მეთაურს ჩვენი მიზნები გავაცანით. ვიპოვეთ მიწის ნაკვეთი და დავაფუძნეთ კომპანია საქართველოში. პრემიერ-მინისტრს გავაცანით ინფორმაცია იმის თაობაზე, თუ რისი გაკეთება გვსურს ქვეყანაში. თხილის მოყვანას ვაპირებთ ახალი ტექნოლოგიით. შვეიცარელ სპეციალისტთან ერთად ვმუშაობთ და ქართველებთან თანამშრომლობა გვსურს თხილის მოყვანის ახალი გზების გასაზიარებლად. თხილის პლანტაციებისთვის მიწის ნაკვეთი კახეთში ვიპოვეთ. დიდი ტერიტორიაა. 650 ჰექტარია და წელს დავიწყებთ მუშაობას. თხილის მოყვანა შოკოლადის წარმოებისთვის გვინდა. ქართული თხილი ჩვენს შოკოლადებში მოხვდება, ხოლო ჩვენი შოკოლადები – საქართველოში“, – განაცხადა დანიელ ბლოხმა.

შოკოლადის მწარმოებელი ცნობილი შვეიცარიული კომპანია „კამილ ბლოში“, რომელსაც არსებობის 90-წლიანი ისტორია აქვს, წლიურად 3 700 ტონა შოკოლადს აწარმოებს, რომლის მეოთხედი ექსპორტზე გადის. კომპანიის წლიური შემოსავალი 45 მილიონ აშშ დოლარს აღემატება.

სარეკლამო ადგილი - 11
650 x 60
პრემიერი: რეგიონული თანამშრომლობის გაღრმავება და საქართველოს რეგიონულ ფინანსურ და ტექნოლოგიურ ჰაბად ჩამოყალიბება საქართველოს მთავრობის პრიორიტეტია; თბილისის ფინანსური სამიტი ხელს შეუწყობს რეგიონული თანამშრომლობის კიდევ უფრო გაღრმავებას, ქვეყნის შემდგომ ეკონომიკურ განვითარებას, საინვესტიციო შესაძლებლობების გაფართოებას და შუა დერეფნის ქვეყნებს შორის სავაჭრო ურთიერთობების გაძლიერებას
სავალუტო ფონდი: გეოპოლიტიკური გაურკვევლობის ზრდისა და ენერგომატარებლებზე მაღალი ფასების მიუხედავად, საქართველოს ეკონომიკური მაჩვენებლები კვლავ მყარია, ხოლო ფისკალური და საგარეო ბუფერები კიდევ უფრო გაძლიერდა
მარიამ ქვრივიშვილი: ჩვენი მიზანია, საქართველო იყოს არა მხოლოდ სატრანზიტო ქვეყანა, არამედ რეგიონული ეკონომიკური და ფინანსური კავშირების მნიშვნელოვანი ცენტრი
მსოფლიო ეკონომიკა სამი წნეხის ქვეშ - ენერგეტიკული შოკი, მაღალი პროცენტები და რეკორდული ვალი
ირაკლი კირცხალია გერმანიის ელჩს: ვურჩევდი, ხმამაღალი განცხადებებისას გაითვალისწინოს მის ქვეყანაში მიმდინარე პოლიტიკური მოვლენები. არ დაავიწყდეთ, რას ნიშნავს ევროკავშირი და რა ფასეულობებზე იდგა. ევროკავშირი არ მდგარა იმ ფასეულობებზე, რასაც ჰქვია საუკეთესო ფაშისტური თუ კომუნისტური მმართველობა
არქივი