„ანაკლიის განვითარების კონსორციუმსა“ და მთავრობას შორის შეხვედრა გაიმართება
სარეკლამო ადგილი - 10
650 x 60
1 30 იანვარი 2020, 09:38
„ანაკლიის განვითარების კონსორციუმის“ გენერალური დირექტორი, ლევან ახვლედიანი აცხადებს, რომ ანაკლიის პორტის პროექტთან დაკავშირებით საარბიტრაჟო დავის თავიდან აცილების რესურსს ვერ ხედავს, თუმცა კონსორციუმი ხელშეკრულებით გათვალისწინებული იურიდიული პროცედურების ფარგლებში, მზადაა მთავრობასთან მოლაპარაკებებისთვის.

როგორც ლევან ახვლედიანი „ინტერპრესნიუსთან“ საუბრისას აღნიშნავს, კონსორციუმსა და მთავრობას შორის შეხვედრა უახლოეს მომავალში შედგება, რომელზეც მხარეები განიხილავენ სადავო საკითხებს და იურიდიული თვალსაზრისით დააფიქსირებენ საკუთარ პოზიციებს.

„ხელშეკრულების თანახმად, ორივე მხარის მხრიდან იურიდიული პროცესების გავლა ყველა შემთხვევაში სავალდებულოა. მთავრობასთან პირველი შეხვედრა ჯერჯერობით არ მომხდარა, თუმცა შეხვედრა უახლოეს დროში შედგება. ამ შეხვედრის შედეგების შესაბამისად გადავდგამთ შემდეგ ნაბიჯებს. თუ ვერანაირი შეთანხმების მიღწევა ვერ მოხერხდა, 60 დღის ამოწურვის შემდეგ , ჩვენ წავალთ არბიტრაჟში", - აცხადებს ახვლედიანი.

კითხვაზე, სამთავრობო გუნდის წევრების განცხადებებიდან გამომდინარე ხედავს თუ არა საარბიტრაჟო დავის თავიდან აცილების რესურსს, ლევან ახვლედიანი შემდეგნაირად პასუხობს: „ჯერჯერობით ვერ ვხედავ, ამიტომაც ვემზადებით არბიტრაჟისთვის, მაგრამ იურიდიული პროცესი გასავლელია და მზად ვართ, რომ მთავრობასთან ურთიერთობაში კონსტრუქციულობა კიდევ ერთხელ გამოვავლინოთ“,-აცხადებს კონსორციუმის გენდირექტორი.

შეგახსენებთ, რომ საქართველოს მთავრობის გადაწყვეტილებით, 2020 წლის 9 იანვარს „ანაკლიის განვითარების კონსორციუმთან“ ანაკლიის ღრმაწყლოვანი პორტის პროექტთან დაკავშირებით 2016 წელს გაფორმებული ხელშეკრულება შეწყდა.მხარეებს 60 დღიანი წინა საარბიტრაჟო ვადა აქვთ, რომელიც დავის თავიდან აცილების მიზნით მოლაპარაკებისთვის უნდა გამოიყენონ. ამასთან,რეგიონული განვითარებისა და ინფრასტრუქტურის სამინისტრო გამორიცხავს, რომ „ანაკლიის განვითარების კონსორციუმთან“ შეწყვეტილი ხელშეკრულება აღდგეს და ანაკლიის პორტის პროექტთან დაკავშირებით ახალი ინტერესთა გამოხატვის გამოცხადებისთვის ემზადება.
სარეკლამო ადგილი - 11
650 x 60
პრემიერი: რეგიონული თანამშრომლობის გაღრმავება და საქართველოს რეგიონულ ფინანსურ და ტექნოლოგიურ ჰაბად ჩამოყალიბება საქართველოს მთავრობის პრიორიტეტია; თბილისის ფინანსური სამიტი ხელს შეუწყობს რეგიონული თანამშრომლობის კიდევ უფრო გაღრმავებას, ქვეყნის შემდგომ ეკონომიკურ განვითარებას, საინვესტიციო შესაძლებლობების გაფართოებას და შუა დერეფნის ქვეყნებს შორის სავაჭრო ურთიერთობების გაძლიერებას
სავალუტო ფონდი: გეოპოლიტიკური გაურკვევლობის ზრდისა და ენერგომატარებლებზე მაღალი ფასების მიუხედავად, საქართველოს ეკონომიკური მაჩვენებლები კვლავ მყარია, ხოლო ფისკალური და საგარეო ბუფერები კიდევ უფრო გაძლიერდა
მარიამ ქვრივიშვილი: ჩვენი მიზანია, საქართველო იყოს არა მხოლოდ სატრანზიტო ქვეყანა, არამედ რეგიონული ეკონომიკური და ფინანსური კავშირების მნიშვნელოვანი ცენტრი
მსოფლიო ეკონომიკა სამი წნეხის ქვეშ - ენერგეტიკული შოკი, მაღალი პროცენტები და რეკორდული ვალი
ირაკლი კირცხალია გერმანიის ელჩს: ვურჩევდი, ხმამაღალი განცხადებებისას გაითვალისწინოს მის ქვეყანაში მიმდინარე პოლიტიკური მოვლენები. არ დაავიწყდეთ, რას ნიშნავს ევროკავშირი და რა ფასეულობებზე იდგა. ევროკავშირი არ მდგარა იმ ფასეულობებზე, რასაც ჰქვია საუკეთესო ფაშისტური თუ კომუნისტური მმართველობა
არქივი