გიორგი ცუცქირიძე: უმუშევრობის დონის შემცირება ქვეყანაში მიმდინარე ეკონომიკური რეფორმების შედეგია, რაც ბიზნესის თავისუფლების მხარდაჭერასა და წარმოების ხელშემწყობ სახელმწიფო პროგრამებზეა ორიენტირებული
სარეკლამო ადგილი - 10
650 x 60
1 19 თებერვალი 2020, 12:25
უმუშევრობის დონის შემცირება ქვეყანაში მიმდინარე ეკონომიკური რეფორმების შედეგია, რაც ბიზნესის თავისუფლების მხარდაჭერასა და წარმოების ხელშემწყობ სახელმწიფო პროგრამებზეა ორიენტირებული-განცხადება ამის თაობაზე ეკონომიკის ექსპერტმა გიორგი ცუცქირიძემ გააკეთა.

„დღეს საქსტატმა დასაქმება და უმუშევრობის ახალი მაჩვენებლები გამოაქვეყნა. მართალია, ქვეყანაში ერთ-ერთ მთავარ გამოწვევად კვლავ უმუშევრობა რჩება, მაგრამ მსოფლიო ბანკის ბოლო მოხსენებაც ადასტურებს, რომ სიღარიბის მაჩვენებელი ბოლო წლებში მნიშვნელოვნად არის შემცირებული, ხოლო არასამთავრობო ორგანიზაცია EuCham-ის „საუკეთესო ევროპული ქვეყნები ბიზნესისათვის“ მორიგი კვლევის „საუკეთესო ევროპული ქვეყნები ბიზნესისათვის“ მიხედვით, საქართველო ევროპის საუკეთესო ოცეულში 70 ქულით მე-18 ადგილზეა, და რეგიონში სულაც საუკეთესო მაჩვენებელი აქვს. ეს ტენდენცია თავსებადია უმუშევრობის ბოლო 2019 წლის მეოთხე კვარტალის შედეგებთანაც,“ - განაცხადა ეკონომიკის ექსპერტმა გიორგი ცუცქირიძემ, რომელმაც საკუთარ ფეისბუქ-გვერდზე გამოაქვეყნა კომენტარი.
სტატისტიკის თანახმად, 2019 წლის მეოთხე კვარტალში უმუშევრობის დონე წინა წელთან შედარებით 1.4 პროცენტული პუნქტით შემცირდა და 10.9 პროცენტი შეადგინა, რაც არის თუ ბოლო ათწლეულში, არამედ ბოლო ოც წელიწადშიც კი ყველაზე დაბალი მაჩვენებელია. ციფრობრივად, 2019 წელს უმუშევართა რაოდენობა შემცირდა 24.7 ათასით და 221.0 ათასი შეადგინა.
გიორგი ცუცქირიძის განცხადებით, როდესაც უმუშევრობის სტრუქტურას ვეხებით, ცალსახად დადებითად უნდა შეფასდეს დასაქმების სტრუქტურაში 2018 წლიდან მოყოლებული დაქირავებული პირების ზრდის მეტად დადებითი ტენდენცია, 2019 წელს დაქირავებით დასაქმებულები აჭარბებდნენ თვითდასაქმებულთა რაოდენობას. დაქირავებით დასაქმებულთა რაოდენობამ 849.3 ათასი, ხოლო თვითდასაქმებულთა რაოდენობამ 840.4 ათასი შეადგინა.
„უმუშევრობის დონის შემცირება პირველ რიგში არის შედეგი ქვეყანაში მიმდინარე ეკონომიკური რეფორმებისა, რაც ბიზნესის თავისუფლების მხარდაჭერაზე და წარმოების ხელშემწყობ სახელმწიფო პროგრამებზეა ორიენტირებული. სახელმწიფო პროგრამების "აწარმოე საქართველოში" ბოლო ანგარიშიც აჩვენებს, რომ სააგენტოს მხარდაჭერით შექმნილია და გაფართოებულია 495 საწარმო და სასტუმრო პროექტი, რომლებიც შექმნის 17 ათასზე მეტი სამუშაო ადგილს, ხოლო 2018 წელთან შედარებით , საწარმო პროექტების რაოდენობა გაზრდილია 31 % - ით , ხოლო სასტუმრო პროექტები 48 % - ით და ეს ტენდენცია არის მზარდი გამომდინარე იქიდან, რომ პროგრამას დაემატა მიკრო და მცირე ბიზნესის კომპონენტიც, რაც არის დასაქმების წამყვანი კონტრიბუტორი ეკონომიკაში,“ - განაცხადა გიორგი ცუცქირიძემ.
სარეკლამო ადგილი - 11
650 x 60
პრემიერი: რეგიონული თანამშრომლობის გაღრმავება და საქართველოს რეგიონულ ფინანსურ და ტექნოლოგიურ ჰაბად ჩამოყალიბება საქართველოს მთავრობის პრიორიტეტია; თბილისის ფინანსური სამიტი ხელს შეუწყობს რეგიონული თანამშრომლობის კიდევ უფრო გაღრმავებას, ქვეყნის შემდგომ ეკონომიკურ განვითარებას, საინვესტიციო შესაძლებლობების გაფართოებას და შუა დერეფნის ქვეყნებს შორის სავაჭრო ურთიერთობების გაძლიერებას
სავალუტო ფონდი: გეოპოლიტიკური გაურკვევლობის ზრდისა და ენერგომატარებლებზე მაღალი ფასების მიუხედავად, საქართველოს ეკონომიკური მაჩვენებლები კვლავ მყარია, ხოლო ფისკალური და საგარეო ბუფერები კიდევ უფრო გაძლიერდა
მარიამ ქვრივიშვილი: ჩვენი მიზანია, საქართველო იყოს არა მხოლოდ სატრანზიტო ქვეყანა, არამედ რეგიონული ეკონომიკური და ფინანსური კავშირების მნიშვნელოვანი ცენტრი
მსოფლიო ეკონომიკა სამი წნეხის ქვეშ - ენერგეტიკული შოკი, მაღალი პროცენტები და რეკორდული ვალი
ირაკლი კირცხალია გერმანიის ელჩს: ვურჩევდი, ხმამაღალი განცხადებებისას გაითვალისწინოს მის ქვეყანაში მიმდინარე პოლიტიკური მოვლენები. არ დაავიწყდეთ, რას ნიშნავს ევროკავშირი და რა ფასეულობებზე იდგა. ევროკავშირი არ მდგარა იმ ფასეულობებზე, რასაც ჰქვია საუკეთესო ფაშისტური თუ კომუნისტური მმართველობა
არქივი