ანაკლიის პორტის ინვესტორები დღეს დასახელდებიან
სარეკლამო ადგილი - 10
650 x 60
1 15 ოქტომბერი 2019, 10:31

ორი უმსხვილესი ინვესტორის ვინაობა დღეს ოფიციალურად დასახელდება. ამერიკული "კონტი ჯგუფის" ნაცვლად პროექტში მონაწილეობა ყაზახურ და ჰოლანდიურ კომპანიებს სურთ.

ჰონგ-კონგში მდებარე "მერიდიანს", რომელიც საინვესტიციო ბაზარზე 2002 წლიდან ოპერირებს, ძირითად პროექტებს რუსეთში, აზია-კასპიის რეგიონსა და აღმოსავლეთ ევროპაში ახორციელებს.

ჰოლანდიური კომპანია "ვან ორდი" კი გემ "ათენას" მფლობელია, რომელიც მსოფლიოში ერთ-ერთ წამყვან დამაღრმავებელ ტექნიკად ითვლება. დაუჭერს თუ არა ხელისუფლება მხარს ამ ორ კომპანიას ეს ორ კვირაში გახდება ცნობილი.

განცხადებით, იმის მიხედვით, თუ რა  რეაგირებას მოახდენს მთავრობა, ანაკლიის განვითარების კონსორციუმი გადაწყვეტს, რა ინფორმაციას გააჟღერებს.

"გვყავს ის 2 ინვესტორი, რომელთანაც მიმდინარეობს საუბარი. უნდა დაველოდოთ მთავრობას, კიდევ ერთი ბურთი მათ მხარეს არის და აქედან გამომდინარე, როგორც კი ისინი რაღაც რეაგირებას მოახდენენ, იმის მიხედვით გადავწყვიტთ რას ვიზამთ ჩვენ და რა ინფორმაციას გავაჟღერებთ მომავალში", - აცხადებს "ანაკლიის განვითარების კონსორციუმის" გენერალური დირექტორი ლევან ახვლედიანი.

ანაკლიის ღრმაწყლოვანი ნავსადგურის განვითარების სააგენტოს ხელმძღვანელის, დავით ჯავახაძის განმარტებით, „ანაკლიის განვითარების კონსორციუმს“ ვალდებულებების შესრულების ვადა დღეს, 15 ოქტომბერს, დღის ბოლომდე აქვს.

„15 ოქტომბრის, სამუშაო დღის ბოლომდე აქვს კონსორციუმს ვალდებულების შესრულების ვადა, თუ ინვესტორი საკუთარ ვალდებულებებს ვერ ასრულებს, სახელმწიფოს შეუძლია გაუხანგრძლივოს ვადა, რაც აქამდე არაერთხელ მომხდარა, ასევე თეორიულად, ალტერნატივას რა თქმა უნდა, წარმოადგენს ხელშეკრულების შეწყვეტა. გადაწყვეტილებას იღებს კომისია, რომელსაც პრემიერ-მინისტრი გიორგი გახარია ხელმძღვანელობს. კომისიაში შედის ეკონომიკური ბლოკის ყველა მინისტრი ,“ - განაცხადა დავით ჯავახაძემ.

სარეკლამო ადგილი - 11
650 x 60
პრემიერი: რეგიონული თანამშრომლობის გაღრმავება და საქართველოს რეგიონულ ფინანსურ და ტექნოლოგიურ ჰაბად ჩამოყალიბება საქართველოს მთავრობის პრიორიტეტია; თბილისის ფინანსური სამიტი ხელს შეუწყობს რეგიონული თანამშრომლობის კიდევ უფრო გაღრმავებას, ქვეყნის შემდგომ ეკონომიკურ განვითარებას, საინვესტიციო შესაძლებლობების გაფართოებას და შუა დერეფნის ქვეყნებს შორის სავაჭრო ურთიერთობების გაძლიერებას
სავალუტო ფონდი: გეოპოლიტიკური გაურკვევლობის ზრდისა და ენერგომატარებლებზე მაღალი ფასების მიუხედავად, საქართველოს ეკონომიკური მაჩვენებლები კვლავ მყარია, ხოლო ფისკალური და საგარეო ბუფერები კიდევ უფრო გაძლიერდა
მარიამ ქვრივიშვილი: ჩვენი მიზანია, საქართველო იყოს არა მხოლოდ სატრანზიტო ქვეყანა, არამედ რეგიონული ეკონომიკური და ფინანსური კავშირების მნიშვნელოვანი ცენტრი
მსოფლიო ეკონომიკა სამი წნეხის ქვეშ - ენერგეტიკული შოკი, მაღალი პროცენტები და რეკორდული ვალი
ირაკლი კირცხალია გერმანიის ელჩს: ვურჩევდი, ხმამაღალი განცხადებებისას გაითვალისწინოს მის ქვეყანაში მიმდინარე პოლიტიკური მოვლენები. არ დაავიწყდეთ, რას ნიშნავს ევროკავშირი და რა ფასეულობებზე იდგა. ევროკავშირი არ მდგარა იმ ფასეულობებზე, რასაც ჰქვია საუკეთესო ფაშისტური თუ კომუნისტური მმართველობა
არქივი