კორონავირუსის გამო მსოფლიო ეკონომიკური ზრდის პროგნოზი განახევრდება-ივანე მაჭავარიანი
სარეკლამო ადგილი - 10
650 x 60
1 05 მარტი 2020, 13:29

ივანე მაჭავარიანმა კორონავირუსის მსოფლიო და საქართველოს ეკონომიკაზე გავლენის შესახებ ისაუბრა. ფინანსთა მინისტრის განცხადებით, მთავრობა ბოლო დღეების განმავლობაში უწყებათაშორისო საბჭოს ფორმატში ბოლო დღეების განმავლობაში მსჯელობთ.

„ამ შემთხვევაში ყურადსაღებია ეკონომიკის თანამშრომლობის და განვითარების საააგენტოს გუშინდელი განცხადება, სადაც მათ შეაფასეს მსოფლიო ეკონომიკაზე გავლენა. მათი ერთი შედარებით უფრო ოპტიმისტური სცენარით 0,5%-ით იქნება შენელება მსოფლიო ეკონომიკური ზრდის, ხოლო თუ ამან პანდემიური ხასიათი შეიძინა და განვრცობა მოხდა, მაშინ ისინი ვარაუდობენ, რომ მსოფლიო ეკონომიკურ ზრდაზე გავლენა 1,5% იქნება. რაც ნიშნავს, რომ ნავარაუდევი იყო 2.9% ზრდა და ის განახევრდება,“ - განაცხადა მინისტრმა.

მისი თქმით, საქართველო ვირუსის ზეგავლენის შედეგს პირველ რიგში ქვეყნის ტურიზმის სფერო განიცდის.

„ჩვენს შემთხვევაში გადმოცემის მექანიზმი საკმაოდ მძლავრია. პირველი, რაც ნელდება ამ დროს არის ტურიზმი, მოგზაურობა, მათ შორის მივლინებები და ა.შ. გუშინ პრაქტიკულად მივიღეთ გადაწყვეტილება, რომ სავალუტო ფონდში ჩვენი ყოველწლიური, საგაზაფხულო შეხვედრები გაუქმებულიყო და ვიდეოკონფერენციებით ჩავრთულიყავით. პრაქტიკულად ვერავინ იხსენებს, რომ ოდესმე სავალუტო ფონდმა და მსოფლიო ბანკმა გააუქმა თავისი წლიური შეხვედრა. ასეთი შემთხვევა ალბათ, მეორე მსოფლიო ომის მერე არ ყოფილა. შესაბამისად, ჩვენ რასაკვირველია, გვეზრდება რისკ-ფაქტორი. იცით, რომ ჩვენი ეკონომიკის წამყვანი სექტორი ტურიზმია. ამ საკითხს ჩვენ ეკონომიკის სამინისტროსთან და ეროვნულ ბანკთან ერთად ვაანალიზებთ სტრეს-ტესტებს და იმისდა მიხედვით, თუ როგორ განვითარდება მოვლენები, გვექნება როგორც მონეტარული, ასევე ფისკალური პასუხი სტიმულირების კუთხით. ასევე, იცით, რომ მსოფლიო ბანკმა და სავალუტო ფონდმა დააანონს, რომ მზად არის გამოყოს თანხები, 50 მილიარდი დოლარი იმ ქვეყნების დასახმარებლად, რომლებიც ყველაზე მეტად დაზარალდებიან ამ კორონავირუსით. იმედი მაქვს, რომ ჩვენ ამ ქვეყნების რიგში არ მოვხვდებით და უფრო მალე მოგვარდება ეს ყველაფერი. რასაკვირველია, გვაქვს კონტაქტი ჩვენს საერთაშორისო პარტნიორებთან და მათ რეკომენდაციებზე დაყრდნობით მივიღებთ იმ ფისკალურ და მონეტარულ გადაწყვეტილებებს, რომლითაც შევეცდებით შევარბილოთ ის დარტყმა, რაც შეიძლება კორონავირუსმა პოტენციურად შეიძლება მიაყენოს ქვეყანას. თუმცა, ვიმედოვნებ, რომ ეს სრული მასშტაბით არ მოხდება და მოკლევადიანი შეფერხება გვექნება, რომელიც მაქსიმალურად მოკლე ვადებში მოწესრიგდება.შეიძლება ვიფიქროთ მონეტარული პოლიტიკის შერბილებაზე, ასევე რაღაც ტიპის ფისკალურ სტიმულზე, თუმცა, ამ ეტაპზე მემგონი ეს არ დაგვჭირდება", - განაცხადა მინისტრმა.

სარეკლამო ადგილი - 11
650 x 60
პრემიერი: რეგიონული თანამშრომლობის გაღრმავება და საქართველოს რეგიონულ ფინანსურ და ტექნოლოგიურ ჰაბად ჩამოყალიბება საქართველოს მთავრობის პრიორიტეტია; თბილისის ფინანსური სამიტი ხელს შეუწყობს რეგიონული თანამშრომლობის კიდევ უფრო გაღრმავებას, ქვეყნის შემდგომ ეკონომიკურ განვითარებას, საინვესტიციო შესაძლებლობების გაფართოებას და შუა დერეფნის ქვეყნებს შორის სავაჭრო ურთიერთობების გაძლიერებას
სავალუტო ფონდი: გეოპოლიტიკური გაურკვევლობის ზრდისა და ენერგომატარებლებზე მაღალი ფასების მიუხედავად, საქართველოს ეკონომიკური მაჩვენებლები კვლავ მყარია, ხოლო ფისკალური და საგარეო ბუფერები კიდევ უფრო გაძლიერდა
მარიამ ქვრივიშვილი: ჩვენი მიზანია, საქართველო იყოს არა მხოლოდ სატრანზიტო ქვეყანა, არამედ რეგიონული ეკონომიკური და ფინანსური კავშირების მნიშვნელოვანი ცენტრი
მსოფლიო ეკონომიკა სამი წნეხის ქვეშ - ენერგეტიკული შოკი, მაღალი პროცენტები და რეკორდული ვალი
ირაკლი კირცხალია გერმანიის ელჩს: ვურჩევდი, ხმამაღალი განცხადებებისას გაითვალისწინოს მის ქვეყანაში მიმდინარე პოლიტიკური მოვლენები. არ დაავიწყდეთ, რას ნიშნავს ევროკავშირი და რა ფასეულობებზე იდგა. ევროკავშირი არ მდგარა იმ ფასეულობებზე, რასაც ჰქვია საუკეთესო ფაშისტური თუ კომუნისტური მმართველობა
არქივი