ჩვენი ვალუტა, კურსი და ზოგადად, ფინანსური ბაზარი მოლოდინების მიმართ ძალიან სენსიტიურია-ნათია თურნავა
სარეკლამო ადგილი - 10
650 x 60
1 12 მარტი 2020, 13:30

ყველა დავრწმუნდით, რაოდენ სენსიტიურია ჩვენი ვალუტა, გაცვლითი კურსი და ზოგადად, ფინანსური ბაზარი სხვადასხვა სახის მოლოდინების მიმართ, – ამის შესახებ ეკონომიკისა და მდგრადი განვითარების მინისტრმა, ნათია თურნავამ განაცხადა ლარის გაუფასურების საკითხთან დაკავშირებით.

მისი თქმით, ჯანდაცვის მსოფლიო ორგანიზაციამ გუშინ ახალი კორონავირუსი პანდემიად გამოაცხადა, რაც შესაბამისად აისახება გლობალურად ეკონომიკაზე, ვაჭრობაზე, საფინანსო ბაზრებზე.

„ჩვენს რეგიონშიც, თუნდაც ჩვენი ერთ-ერთი მეზობელი რუსეთის რუბლი 16-17 პროცენტით გაუფასურდა, რაზეც ასევე მოქმედებს სანავთობო ბაზრებზე არსებული ვითარება, რადგან ნავთობის ექსპორტიორი ქვეყანაა. თურქული ლირა იწყებს გაუფასურებას, 3 პროცენტით გაუფასურდა. შესაბამისად, შეიძლება, ჩვენ ვივარაუდოთ, რომ ამ ეტაპზე ეს არის, პირველ რიგში, ნეგატიური მოლოდინების გარკვეულწილად სპეკულატიური მოკლევადიანი ზეგავლენა. რა თქმა უნდა, ნეგატიურ მოლოდინებს აქვს თავისი საფუძველი, რადგან პანდემია არის მსოფლიოში გამოცხადებული, თუმცა ისევ და ისევ ყველაფერი იქნება დამოკიდებული იმაზე, რამდენად სწრაფად გადაილახება კორონავირუსის პრობლემა“, – აღნიშნა ნათია თურნავამ.

მისი თქმით, საქართველო აღნიშნულ გამოწვევას ჯანსაღი ეკონომიკით ხვდება.

„თუ ვისაუბრებთ კონკრეტულად ჩვენი ეკონომიკის მზადყოფნაზე, კარგია, რომ ჩვენ ამ გამოწვევას ვხვდებით ძალიან მყარი, ჯანსაღი ეკონომიკით. იანვრის შედეგებით, ტურიზმი უპრეცედენტოდ 19 პროცენტით გაიზარდა და ასევე ექსპორტიც მზარდი იყო. რა თქმა უნდა, თანდათან უნდა ველოდოთ, რომ დინამიკა დაიკლებს, რადგან თებერვალში ტურისტების რაოდენობა პრაქტიკულად კლებაში გადავიდა და ეს ასეც მოხდება. ეს ჩვენი ერთობლივი შეთანხმებული პოლიტიკის შედეგია“, – განაცხადა ნათია თურნავამ.

სარეკლამო ადგილი - 11
650 x 60
პრემიერი: რეგიონული თანამშრომლობის გაღრმავება და საქართველოს რეგიონულ ფინანსურ და ტექნოლოგიურ ჰაბად ჩამოყალიბება საქართველოს მთავრობის პრიორიტეტია; თბილისის ფინანსური სამიტი ხელს შეუწყობს რეგიონული თანამშრომლობის კიდევ უფრო გაღრმავებას, ქვეყნის შემდგომ ეკონომიკურ განვითარებას, საინვესტიციო შესაძლებლობების გაფართოებას და შუა დერეფნის ქვეყნებს შორის სავაჭრო ურთიერთობების გაძლიერებას
სავალუტო ფონდი: გეოპოლიტიკური გაურკვევლობის ზრდისა და ენერგომატარებლებზე მაღალი ფასების მიუხედავად, საქართველოს ეკონომიკური მაჩვენებლები კვლავ მყარია, ხოლო ფისკალური და საგარეო ბუფერები კიდევ უფრო გაძლიერდა
მარიამ ქვრივიშვილი: ჩვენი მიზანია, საქართველო იყოს არა მხოლოდ სატრანზიტო ქვეყანა, არამედ რეგიონული ეკონომიკური და ფინანსური კავშირების მნიშვნელოვანი ცენტრი
მსოფლიო ეკონომიკა სამი წნეხის ქვეშ - ენერგეტიკული შოკი, მაღალი პროცენტები და რეკორდული ვალი
ირაკლი კირცხალია გერმანიის ელჩს: ვურჩევდი, ხმამაღალი განცხადებებისას გაითვალისწინოს მის ქვეყანაში მიმდინარე პოლიტიკური მოვლენები. არ დაავიწყდეთ, რას ნიშნავს ევროკავშირი და რა ფასეულობებზე იდგა. ევროკავშირი არ მდგარა იმ ფასეულობებზე, რასაც ჰქვია საუკეთესო ფაშისტური თუ კომუნისტური მმართველობა
არქივი