არ იზღუდება მშენებლობები, წარმოებები, ტრანსპორტი, ანუ ის ეკონომიკური საქმიანობა, რომელიც ამ ეტაპზე არ არის შეჩერებული-ნათია თურნავა
სარეკლამო ადგილი - 10
650 x 60
1 21 მარტი 2020, 19:21

საგანგებო მდგომარეობა გულისხმობს ძალიან მნიშვნელოვანი და განსაკუთრებული ზომების მიღებას, რათა ჩვენი მოქალაქეები ვირუსის გავრცელებისგან დავიცვათ-განცხადება ამის თაობაზე ნათია თურნავამ გააკეთა.  

ნათია თურნავას განმარტებით, როგორც მოსახლეობისთვის არის ცნობილი, ამ ეტაპზე შეჩერებულია სარესტორნე ბიზნესი, რაც გულისხმობს მათი მუშაობის შეზღუდვას საკუთარ ფართებში, თუმცა მოსახლეობას რესტორნებისა და კაფე-ბარების მომსახურებით ადგილზე მიტანის სერვისით შეუძლია ისარგებლოს. გარდა ამისა, შეზღუდულია საცალო ვაჭრობა არასასურსათო მაღაზიებისთვის, რომელთა საქმიანობაც ასევე ელექტრონული ვაჭრობით არის ნებადართული.

„შესაბამისად, შეუფერხებლად აგრძელებენ მუშაობას წარმოებები. გრძელდება ინფრასტრუქტურული პროექტები, მშენებლობები, სატრანსპორტო სექტორის, საქალაქო ტრანსპორტის მუშაობა. ამ მიმართულებით არანაირი განსაკუთრებული ამკრძალავი ნორმის დაწესება არ არის გათვალისწინებული. თუმცა, ცხადია ყველა ამ სექტორმა ჯანდაცვის რეკომენდაციების შესაბამისად უნდა იმოქმედოს და დაიცვას სანიტარულ-ჰიგიენური ნორმები“, - აღნიშნა ნათია თურნავამ.

რაც შეეხება სასურსათო-საცალო ვაჭრობას და მაღაზიებს, ეკონომიკისა და მდგრადი განვითარების მინისტრის განმარტებით, მათ ეძლევათ მითითება, მაქსიმალურად დაიცვან ყველა აუცილებელი ზომა, რაც რეკომენდირებულია მედიკოსების მიერ - ეს არის სადეზინფექციო საშუალებების აქტიურად გამოყენება, სანიტარულ-ჰიგიენური ნორმების დაცვა და მომხმარებლების დისტანცირება.

„რამდენადაც ჩემთვის ცნობილია, ჩვენმა სუპერმარკეტებმა უკვე დაიწყეს ეს პროცესი და სპეციალური მონიშვნები კეთდება, რა დისტანცია უნდა დაიცვან მომხმარებლებმა“, - განაცხადა ნათია თურნავამ.

ამასთან მინისტრმა ხაზგასმით აღნიშნა, რომ პანიკის არანაირი საფუძველი არ არსებობს და სურსათის მარაგები საკმარისია. მისივე განცხადებით, ამიტომ სასურსათო საქონელზე რაიმე სახის აჟიოტაჟური მოთხოვნის არანაირი საფუძველი არ არსებობს.

„ასეთი ქცევა არასწორი რეაქცია იქნება და ამის აუცილებლობა არ არსებობს. ყველაფერი, რაც კეთდება მიმართულია იმისკენ, რომ ადამიანები ერთმანეთს გაუფრთხილდნენ, დაიცვან დისტანცია, რათა არ მოხდეს ვირუსის გავრცელება და ეპიდემიის პრევენცია მოვახდინოთ“, - განაცხადა ნათია თურნავამ.

სარეკლამო ადგილი - 11
650 x 60
პრემიერი: რეგიონული თანამშრომლობის გაღრმავება და საქართველოს რეგიონულ ფინანსურ და ტექნოლოგიურ ჰაბად ჩამოყალიბება საქართველოს მთავრობის პრიორიტეტია; თბილისის ფინანსური სამიტი ხელს შეუწყობს რეგიონული თანამშრომლობის კიდევ უფრო გაღრმავებას, ქვეყნის შემდგომ ეკონომიკურ განვითარებას, საინვესტიციო შესაძლებლობების გაფართოებას და შუა დერეფნის ქვეყნებს შორის სავაჭრო ურთიერთობების გაძლიერებას
სავალუტო ფონდი: გეოპოლიტიკური გაურკვევლობის ზრდისა და ენერგომატარებლებზე მაღალი ფასების მიუხედავად, საქართველოს ეკონომიკური მაჩვენებლები კვლავ მყარია, ხოლო ფისკალური და საგარეო ბუფერები კიდევ უფრო გაძლიერდა
მარიამ ქვრივიშვილი: ჩვენი მიზანია, საქართველო იყოს არა მხოლოდ სატრანზიტო ქვეყანა, არამედ რეგიონული ეკონომიკური და ფინანსური კავშირების მნიშვნელოვანი ცენტრი
მსოფლიო ეკონომიკა სამი წნეხის ქვეშ - ენერგეტიკული შოკი, მაღალი პროცენტები და რეკორდული ვალი
ირაკლი კირცხალია გერმანიის ელჩს: ვურჩევდი, ხმამაღალი განცხადებებისას გაითვალისწინოს მის ქვეყანაში მიმდინარე პოლიტიკური მოვლენები. არ დაავიწყდეთ, რას ნიშნავს ევროკავშირი და რა ფასეულობებზე იდგა. ევროკავშირი არ მდგარა იმ ფასეულობებზე, რასაც ჰქვია საუკეთესო ფაშისტური თუ კომუნისტური მმართველობა
არქივი