მაია ცქიტიშვილი - ხელისუფლება ზრუნავს, როცა დასრულდება კარანტინი, რომ ბიზნესმა შეძლოს ახალი ბიზნესპროექტების წამოწყება
სარეკლამო ადგილი - 10
650 x 60
1 03 აპრილი 2020, 13:34

2 მილიარდი ლარი, რომელიც მოცემულ პერიოდში მოქალაქეებისა და ბიზნესის მხარდაჭერაზე მიიმართება. გამოყოფილი იქნა ბიუჯეტიდან, რა თქმა უნდა, ასევე დონორების მხარდაჭერითა და სხვადასხვა სახელმწიფო ხარჯების გადალაგების შედეგად, – ამის შესახებ  რეგიონული განვითარებისა და ინფრასტრუქტურის მინისტრმა მაია ცქიტიშვილმა განაცხადა.

როგორც მან საკოორდინაციო საბჭოს სხდომის შემდეგ განმარტა, აღნიშნული პაკეტის ერთ-ერთი შემადგენელი ნაწილია საკრედიტო-საგარანტიო მექანიზმის უზრუნველყოფა.

„ერთ-ერთი შემადგენელი ნაწილი 2 მილიარდისა, არის მათ შორის საკრედიტო მექანიზმის უზრუნველყოფა და მხარდაჭერა სახელმწიფოს მხრიდან. უშუალოდ კონკრეტულ რიცხვებზე ამ ეტაპზე ნაადრევი იქნება საუბარი, ვინაიდან, თითოეული დარგი, რომელსაც შევთავაზებთ ასეთი ტიპის სესხების საგარანტიო მხარდაჭერას, ხასიათდება სხვადასხვა დინამიკით, მათ აქვთ სხვადსხვა მოცულობა ან ექნებათ სესხების სხვადასხვა მოცულობა, შესაბამისად, მათი სასესხო პორტფელის სხვადასხვა ოდენობის მხარდაჭერა იქნება შესაძლებელი“, – განაცხადა ცქიტიშვილმა.

მან ბიზნესისთვის ხელისუფლების გზავნილზე ისაუბრა.

„ჩვენი გზავნილი ბიზნესისთვის არის, რომ ჩვენ ვზრუნავთ და ვმუშაობთ ეროვნულ ბანკთან, კომერციულ ბანკებთან, ასევე ჩვენს საერთაშორისო პარტნიორებთან იმაზე, რომ მას შემდეგ, რაც ეკონომიკის გამოცოცხლება დაიწყება, რაც დასრულდება კარანტინი, საგანგებო მდგომარეობა, ბიზნესი შეძლებს ფიქრს ახალი სესხების აღებაზე, რომელიც იქნება მიმართული ახალი ბიზნესპროექტების წამოწყებაზე. ასეთ ბიზნესპროექტებს, ასეთ საბანკო სესხებს ჩვენ მთავრობა დავუდგეთ გვერდით და მივცეთ ბანკებსაც და ბიზნესს საშუალება, მეტი დარწმუნებულობით, მეტი კომფორტით აიღონ ბანკებში სესხი; ბანკებს და ბიზნესს ჰქონდეს სახელმწიფოს მხრიდან გარანტია, რომ იმ შემთხვევაში, თუ ამ ბიზნესსუბიექტებს შეექმნებათ პრობლემები ახალი სესხების გადახდის ნაწილში, მთავრობა იქნება ამის გარანტი“, – განაცხადა პირველმა ვიცე-პრემიერმა.

მისი თქმით, კონკრეტული პროგრამები, მექანიზმები და  პირობები შემდგომი მსჯელობის საგანია.

„ბუნებრივია, ეს იქნება დამოკიდებული იმ ბიზნესაქტივობაზე, რომელსაც უშუალოდ თავად ბიზნესი გამოიჩენს ამა თუ იმ სფეროში. ჩვენ დღეს რა თქმა უნდა, ყველა საკითხზე თავს ვიკავებთ ნებისმიერი სპეკულაციისგან, ფუჭი დაპირებისგან და ნებისმიერი არარეალური ციფრების გაჟღერებისგან. თითოეული ჩვენი ნაბიჯი არის ძალიან კონკრეტული, ძალიან მიზნობრივი და თითოეული ჩვენი პროგრამა იქნება პასუხი იმ კონკრეტულ საჭიროებაზე, რომელიც ჩვენს ქართულ ბიზნესს ექნება, მას შემდეგ, რაც ისინი გამოვლენ კირიზისული ვითარებიდან“, – განაცხადა მაია ცქიტიშვილმა საკოორდინაციო საბჭოს სხდომის შემდეგ.

სარეკლამო ადგილი - 11
650 x 60
პრემიერი: რეგიონული თანამშრომლობის გაღრმავება და საქართველოს რეგიონულ ფინანსურ და ტექნოლოგიურ ჰაბად ჩამოყალიბება საქართველოს მთავრობის პრიორიტეტია; თბილისის ფინანსური სამიტი ხელს შეუწყობს რეგიონული თანამშრომლობის კიდევ უფრო გაღრმავებას, ქვეყნის შემდგომ ეკონომიკურ განვითარებას, საინვესტიციო შესაძლებლობების გაფართოებას და შუა დერეფნის ქვეყნებს შორის სავაჭრო ურთიერთობების გაძლიერებას
სავალუტო ფონდი: გეოპოლიტიკური გაურკვევლობის ზრდისა და ენერგომატარებლებზე მაღალი ფასების მიუხედავად, საქართველოს ეკონომიკური მაჩვენებლები კვლავ მყარია, ხოლო ფისკალური და საგარეო ბუფერები კიდევ უფრო გაძლიერდა
მარიამ ქვრივიშვილი: ჩვენი მიზანია, საქართველო იყოს არა მხოლოდ სატრანზიტო ქვეყანა, არამედ რეგიონული ეკონომიკური და ფინანსური კავშირების მნიშვნელოვანი ცენტრი
მსოფლიო ეკონომიკა სამი წნეხის ქვეშ - ენერგეტიკული შოკი, მაღალი პროცენტები და რეკორდული ვალი
ირაკლი კირცხალია გერმანიის ელჩს: ვურჩევდი, ხმამაღალი განცხადებებისას გაითვალისწინოს მის ქვეყანაში მიმდინარე პოლიტიკური მოვლენები. არ დაავიწყდეთ, რას ნიშნავს ევროკავშირი და რა ფასეულობებზე იდგა. ევროკავშირი არ მდგარა იმ ფასეულობებზე, რასაც ჰქვია საუკეთესო ფაშისტური თუ კომუნისტური მმართველობა
არქივი